У іх ліку - віцяблянін-"афганец" Андрэй Матусенка, узнагароджаны мелдалём "За баявыя заслугі". Па рашэнні Віцебскага абласнога суда 56-гадовы Андрэй Матусенка  прызнаны вінаватым у садзейнічанні экстрэмісцкай дзейнасці (часткі  1 і 2 арт. 361-4 ККРБ). Паводле звестак на сайце ведамства, ен "адбывае пакаранне".

У Віцебскай абласной пракуратуры прааналізавалі скаргі, якія паступілі ад грамадзян за першыя 6 месяцаў гэтага года. Паводле падлікаў, агулам паступіла амаль 2, 5 тысячы зваротаў. З іх 42% - не тычацца дзейнасці пракуратуры. Гэта скаргі на дзеянні міліцыі, следчы камітэт, бяздзеянне мясцовых уладаў і  адказных службаў. Звароты да пракурораў у ведамстве лічаць “паказнікам даверу” і не разглядаюць іх як індыкатар незадавальнення грмамадзянамі працай дзяржаўных органаў.

Раённы цэнтр культуры вырашыў зрабіць рэгулярнымі “рэйды” на воінскія пахаванні. Пад кіраўніцтвам культработнікаў па брацкіх магілах  у розных вёсках Лёзненшчыны пачалі развозіць удзельнікаў усіх  гурткоў і аб’яднанняў, якія працуюць пра РЦК.  У тым ліку дзяцей, якія зараз на канікулах, нягледзячы на тое, што гурткі і іншыя  самадзейныя суполкі летам  таксама не працуюць.

Абласная газета “Витебские вести” упершыню назвала суму, у якую абыходзіцца новы флагшток Аршанскаму раённаму бюджэту. Кошт аб'екта склаў 2 мільёны 60 тысяч рублёў, і гэта яшчэ не фінальныя лічбы. Таксама дзяржСМІ паведаміла , быццам бы стварэнне будучай плошчы Дзяржаўных сімвалаў - гэта ініцыятыва гараджан, выказаная "ў ходзе зносін кіраўніцтва Аршанскага райвыканкама з насельніцтвам і моладдзю горада".