Тэма стала спекулятыўнай: улады вяртаюцца да яе перыядычна, спрабуючы пераканаць жыхароў рэгіёна ў тым што «іх пажаданні пачутыя». Сапраўды, прапановы пабудаваць у абласным цэнтры аквапарк гучаць ужо не адно дзесяцігоддзе. І не адно дзесяцігоддзе розныя кіраўнікі горада і вобласці абяцаюц віцяблянам то проста «аквапарк» то цэлы «акватэрмальны комплекс».

Назва "Польша закрывает границу для беларусов" – відавочная спроба завабіць гледачоў няіснай сенсацыяй. Між тым у чарговым відэаопусе віцебскага ідэолага Святаслава Міхайлава пра закрыццё мяжы для беларусаў няма ні слова – бо гэта няпраўда. Вартым дапаўненнем дя свайго спіча ідэолаг палічыў дэманстрацыю кукіша, або прасцей – фігі.

Падчас выбарчай кампаніі жыхарам Віцебска пагражаюць пакараннямі па 14 артыкулах Крымінальнага Кодэкса і Кодэкса аб адміністрацыйных правапарушэннях.Гэты пералік агучыў намеснік начальніка міліцыі грамадскай бяспекі УУС Віцебскага аблвыканкама Максім Марчанка. І паводле згаданых артыкулаў можна зрабіць выснову, чаго найбольш апасаецца міліцыя падчас галасавання на выбарах прэзідэнта.

Намеснік кіраўніка адміністрацыі прэзідэнта правёў сустрэчу ў ВДТУ. Падчас размовы са студэнтамі і выкладчыкамі «тэхналожкі» ён гаварыў пра неабходнасць працы з моладдзю напярэдадні прэзідэнцкіх выбараў, бо моладзь мае «пратэстны патэнцыял». І калі маладых людзей належным чынам ідэалагічна не «апрацаваць», то гэта, маўляў, зробяць апаненты ўлады.