Аналягічная прычына забароны акцыі і ў Віцебску: як паведаміў адзін з заяўнікаў імпрэзы Ян Дзяржаўцаў, пікет забаронены намесьніцай кіраўніка адміністрацыі Чыгуначнага раёну Натальляй Ляпёшкінай з прычыны таго, што яго арганізатары падалі сваю заяўку з парушэньнем – не далучылі да яе дамовы, прадугледжаныя рашэньнем № 881 Віцебскага гарвыканкаму. Згодна з гэтым рашэньнем, для атрыманьня дазволу ад уладаў на правядзеньне масавых мерапрыемстваў іх арганізатары абавязаныя папярэдне заключыць дамовы з шэрагам дзяржаўных службаў. Пералічаныя ў рашэньні гарвыканкаму службы ад заключэньня дамоваў аб абслугоўваньні масавых мерапрыемстваў, як правіла, ухіляюцца.