“Раней да нас паступілі скаргі на прысуд двух адвакатаў Гайдукова. Пасьля таго, як з гэтымі скаргамі азнаёмяцца ўдзельнікі працэсу, у дадзеным выпадку пракурор, дакумэнты будуць накіраваныя на разгляд у Вярхоўны суд Беларусі”, - адзначылі ў судзе, удакладніўшы, што “хутчэй за ўсё , гэта адбудзецца пры канцы наступнага тыдня”. Як паведамлялася, А.Гайдукоў, раней які абвінавачваўся ў дзяржаўнай здрадзе, прысуджаны Віцебскім абласным судом да 1 году і 6 месяцаў пазбаўленьня волі з адбываньнем пакараньня ў калёніі агульнага рэжыму. Ён прызнаны судом “вінаватым у спробах ўстанаўленьня кантактаў з супрацоўнікамі замежнай спэцслужбы без прыкмет дзяржаўнай здрады”. Разгляд справы адбываўся ў закрытым рэжыме.

Крыніца: Інтэрфакс-Захад