"Вясна" публікуе інфаграфіку з актуальнымі лічбамі пра палітвязняў.

- Па стане на 21 траўня 2026 года ў беларускіх месцах зняволення ўтрымліваецца 841 палітвязень. З іх 727 — мужчыны, 114 — жанчыны.

- З іх мінімум 60 чалавек знаходзяцца ў цяжкім стане фізічнага здароўя, 8 чалавек маюць інваліднасць, 26 сталых людзей, чый узрост перавышае 60 гадоў (шмат хто з іх мае вялікія праблемы са здароўем), а таксама 9 чалавек з ментальнымі разладамі.

- У ліку палітзняволеных - 26 шматдзетных бацькоў. Сярод іх 6 жанчын. Ёсць сем’і, дзе абодва бацькі знаходзяцца за кратамі.

- Мінімум 17 замежных грамадзян знаходзіцца за кратамі ў Беларусі.