Павал Левінаў зацікавіўся, як ва Ўкраіне дапамагаюць перасяленцам
Віцебскі праваабаронца наведаў Днепрапятроўскі каардынацыйны цэнтар для перасяленцаў «Дапамога Дняпра». Паводле Паўла Левінава, азнаямленьне з досьведам украінскіх калегаў дапаможа віцебскім праваабаронцам лепш наладзіць працу зь мігрантамі, якія маюць патрэбу ў абароне іх правоў. Бо перасяленцаў у Беларусі становіцца ўсё больш і больш, і львіную долю зь іх складаюць менавіта грамадзяне Ўкраіны.
Начальнік Віцебскага ІЧУ пра ўмовы ўтрыманьня арыштаваных: Без камэнтароў
У межах маніторынгу ўмоў утрыманьня і абыходжаньня з адміністрацыйна затрыманымі і арыштаванымі ў ізалятарах часовага ўтрыманьня праваабаронца Павал Левінаў наведаў начальніка ІЧУ УУС Віцебскага аблвыканкаму палкоўніка міліцыі Марозава Андрэя Мікалаевіча.
Замест лазьні - халодны душ (відэа)
Улады ў чарговы раз забаранілі Паўлу Левінаву зладзіць масавае мерапрыемства ў Віцебску. У гэты раз віцебскі праваабаронца прасіў дазволіць яму правесьці сход у … лазьні. У гарадзкой лазьні №1 ён хацеў пагаманіць пра здаровы лад жыцьця зь дзесяцьцю алкагольна-залежнымі грамадзянамі. Аднак намесьнік старшыні адміністрацыі Чыгуначнага раёну Віцебску Натальля Ляпёшкіна адказала праваабаронцу забаронай.
Пракуратура вынесла папярэджаньне віцебскай журналістцы
15 красавіка Сьвятлана Сьцяпанава наведала Віцебскую абласную пракуратуру ў суправаджэньні віцебскага праваабаронцы Паўла Левінава. У пракуратуры палічылі, што незалежная журналістка зь Віцебску без акрэдытацыі супрацоўнічае з замежным СМІ – беларускай службай “Польскага радыё для замежжа”.
На вуліцах Віцебску аўтамабілістам раздавалі расейскія сьцяжкі
Гэтую акцыю назіраў віцебскі праваабаронца Павал Левінаў. У камэнтары ён адзначыў, што год таму яшчэ не зьвярнуў бы ўвагі на такую акцыю. Але цяпер яго насьцярожыла тое, што Расея фактычна вядзе вайну супраць Украіны. Таму Павал Левінаў затэлефанаваў у міліцыю і паведаміў пра парушэньне.
Выбары ў Віцебску: апазыцыянэры па-за гульнёй
19 лютага Віцебская тэрытарыяльная выбарчая камісія разгледзела 83 заявы прэтэндэнтаў на мандат кандыдата ў дэпутаты Віцебскага гарадзкога Савету дэпутатаў. Для дванаццаці прадстаўнікоў ад апазыцыйных палітычных структур і незалежных мясцовых палітыкаў вынікі іх вылучэньня аказаліся адмоўнымі.
Павал Левінаў дамогся вынясеньня папярэджаньня старшыню выбарчай камісіі
Пракуратура Віцебску абвясьціла афіцыйнае папярэджаньне старшыню Віцебскай абласной выбарчай камісіі. На зварот праваабаронцы ў пракуратуру правялі праверку і выявілі факт парушэньня заканадаўства аб выбарах з боку старшыні Віцебскай абласной выбарчай камісіі Хомы Д.Л., «у сувязі з чым апошняму было абвешчанае папярэджаньне пра недапушчальнасьць парушэньня закону». Сам жа Павал Левінаў акрэдытаваўся ў назіральнікі нанова і працягвае сачыць за працай выбарчай камісіі…
Навагодні «падарунак» бюракратам - афіцыйныя папярэджаньні
У першых лічбах новага, 2014 году, пракуратурай Віцебску былі вынесеныя афіцыйныя папярэджаньні аб недапушчальнасьці парушэньня заканадаўства намесьнікам кіраўнікоў адміністрацыяў Кастрычніцкага, Першамайскага і Чыгуначнага раёнаў - Анатолю Кандратовічу, Вользе Гурчанка і Натальлі Ляпёшкінай. Такім чынам пракуратура адрэагавала на скаргу праваабаронцы Паўла Левінава.
Віцебскі абласны суд ня ўбачыў парушэньняў заканадаўства падчас утварэньня выбарчай камісіі (відэа)
Група грамадзян, якая вылучала сябру Беларускага Хэльсынскага камітэту Паўла Левінава ў Віцебскую абласную тэрытарыяльную выбарчую камісію, паспрабавала абскардзіць у судзе рашэньне Віцебскага аблвыканкаму і Прэзыдыюму Віцебскага абласнога савету дэпутатаў аб утварэньні камісіі. Безвынікова – судзьдзя Натальля Хількевіч пастанавіла, што парушэньняў пры фармаваньні абласной выбарчай камісіі не было.
У склад Віцебскай абласной выбарчай камісіі ўключылі аднаго апазыцыянэра
У Віцебскую абласную тэрытарыяльную выбачую камісію ўключаныя 13 сябраў з 17 прэтэндэнтаў. Прадстаўнік Беларускай партыі левых “Справядлівы сьвет”, старшыня абласной партыйнай арганізацыі Мікалай Селівашка будзе адзіным у камісіі зь ліку віцебскіх дэмакратаў. Намесьніка старшыні абласной арганізацыі партыі БНФ Кастуся Смолікава ў камісію не ўключылі. Як не ўключылі і праваабаронцу Паўла Левінава, які вылучаўся шляхам падачы заяваў грамадзян.