Флагшток «раённага маштабу» - вышынёй з 18-павярховы дом (58 м). Пляцоўку пад яго  памерам 45х60 метраў размясцілі ў парку Герояў насупраць Лядовай арэны, вырубіўшы  частку дрэваў. Адным флагштокам у сярэдзіне пляцоўкі аршанскія ўлады абмежавацца не намераны. На адной з граняў подыюма пад флагшток размесцяць герб Рэспублікі Беларусь. Побач з флагштокам прадугледжана ўстаноўка асобнай архітэктурнай канструкцыі – стылізаванай выявы сцяга з размяшчэннем на ім словаў гімна Рэспублікі Беларусь. Таксама праектам прадугледжана ўладкаванне падсветкі і будаўніцтва стаянкі для турыстычных аўтобусаў.

 Паводле дакументаў каштарыснай дакументацыі  кошт будаўніцтва аб'екта на дату распрацоўкі 1.08.2024 г. складаў 5 700 000 рублёў.Наўрад ці за прамінулы год матэрыялы і паслугі сталі таннейшымі. І дакладна вядома, што раённы бюджэт не пабагацеў - ен па-ранейшаму “дэфіцытны”.

Юрка Жмых