За апошні час Пастаўшчыне пашырыла супрацу з блізкім і далёкім замежжам. У прыватнасьці, умацаваліся пабрацімскія сувязі зь Віесіцкім краем (Латвія).

Дзьве крымінальныя справы распачатыя паводле факцу нестатутных адносін у адной з вайсковых частак Пастаўскага гарнізону, паведаміў намесьнік начальніка аддзелу па наглядзе за выкананьнем заканадаўства ў войсках пракуратуры Віцебскай вобласьці Юры Смалянка.

На беразе ўнікальнага возера Балдук у Пастаўскім раёне будуюць праваслаўны храм. Але будуюць насуперак грамадзкай думцы, заканадаўству і прыродзе. Скандальная будоўля пастаянна абрастае новымі дэталямі.

У гарадзкім пасёлку Лынтупы на 15 дзяцей на цяперашні момант выдаткавана толькі 4 вакцыны. Бацькі хвалююцца, бо ўжо мінаюць тэрміны вакцынацыі.

У Лучаі Пастаўскага раёну маліліся за Беларусь. Там прайшоў фэст з нагоды ўспаміну беларускага пакутніка Андрэя Баболі. “Ён скончыў жыцьцё ў страшэнных пакутах – кажа ксёндз Марат Казлоўскі, - але не адрокся ад сваёй ідэі еднасьці хрысьціян”. За свае перакананьні яго забілі ў Янаве Палескім, зараз горад Іванава Берасьцейскай вобласьці.

Зь дзевяці сельгаспрадпрыемстваў у кірмашы ўзялі ўдзел толькі тры гаспадаркі. Такія кірмашы мясцовыя ўлады арганізоўваюць як мінімум два разы на год. Удзел гаспадарак у іх можна вызначыць як добраахвотна-прымусовы. Гаспадаркам прадпісваюць колькасьць прадукцыі, якую яны павінны прывезьці на кірмаш.

Раённыя ўлады просяць грошай у прадпрымальнікаў. Гэта ўжо другі такі выпадак цягам сакавіка. Два тыдні таму сродкі вымагалі на пасяўную, а цяпер - на абстрактныя патрэбы райвыканкаму пад выглядам суботніку. Ён адбыўся 29 сакавіка. Напярэдадні яго правядзеньня прадпрымальнікі ў Паставах атрымалі ліст з райвыканкаму, копію якога даслаў у рэдакцыю charter97.org адзін з чытачоў.