Віцебскі гарвыканкам прынёс выбачэньні жыхарам дамоў, разьмешчаных побач з плошчай Перамогі, за канцэрты, якія да глыбокай ночы ладзіліся пад іх вокнамі падчас фэстывалю «Факел». Аднак цешыцца з таго, што цяпер пасьля 23:00 тых, хто жыве паблізу самай вялікай плошчы ў Беларусі, ня будзе турбаваць шум ад гукаўзмацняльнай апаратуры, не выпадае.

Пачынаючы з 1996 году, правазнаўца Барыс Хамайда каля «Сіняга дому» ў Віцебску вядзе агітацыю, каб людзі не хадзілі ні на якія выбары. Але ягоныя заклікі зразумелыя ня ўсім грамадзянам. Ня згодныя зь віцебскім актывістам і шмат хто з апазыцыйных палітыкаў. Каб лепш зразумець пазыцыю Барыса Ханонавіча, «Дыялёг» папрасіў яго адказаць на некалькі пытаньняў.

Надыход каляндарнага лета моладзь Віцебску адзначыла флэш-мобам «Мокрыя войны», падчас якога змагалася ў гарадзкіх фантанах. Акцыя была арганізаваная праз сацыяльную сетку «УКантакце», дзе на адмысловую сустрэчу запісаліся больш за 700 чалавек, праўда толькі палова зь іх як стопрацэнтныя ўдзельнікі. Флэшмоб працягваўся паўгадзіны, а затым мокрую моладзь, якая весялілася, разагналі байцы палка міліцыі спэцыяльнага прызначэньня, якія прыбылі да фантанаў на двух аўтамабілях.

Пытаньні далейшага функцыянаваньня аднаго з прадпрыемстваў трыкатажнай галіны - ААТ “Клясыка індустрыі моды” (Віцебскае ААТ “КІМ”) былі разгледжаныя 5 чэрвеня на паседжаньні Савету міністраў Беларусі пад старшынствам прэм’ер-міністра Міхаіла Мясьніковіча. Як паведамляе прэс-служба ўраду, у цяперашні час ААТ “КІМ” знаходзіцца ў складаным фінансава-эканамічным становішчы. “Асноўнай прычынай стратнасьці прадпрыемства зьяўляюцца нізкія аб’ёмы вытворчасьці з-за наяўнасьці даўгавых забавязаньняў, што не дазваляе своечасова закупляць сыравіну, фарбавальнікі, хімікаты, разьлічыцца за паліўна-энэргетычныя рэсурсы”, - адзначаецца ў паведамленьні.