«Справядлівы сьвет» хоча прыцягнуць дэпутатаў Віцебшчыны да адказу
Віцебская абласная канфэрэнцыя Беларускай партыі “Справядлівы сьвет” падтрымала прапанову аб удзеле ў бестэрміновай кампаніі “Дэпутатаў да адказу!”. У прынятым рашэньні ўсім сябрам партыі рэкамэндавана ўзяць на кантроль правядзеньне справаздач дэпутатаў перад выбаршчыкамі, запатрабаваць ад райвыканкамаў і рэдакцыяў мясцовых газэт апублікаваць зьвесткі пра памочнікаў дэпутатаў Палаты прадстаўнікоў і сябраў Савету Рэспублікі, больш актыўна выступаць супраць спробаў уладнай вэртыкалі ліквідаваць сельскія Саветы дэпутатаў...
У Віцебску вядзецца праверка па скаргах актывістаў “ГейБеларусі”
УУС Віцебскага аблвыканкаму ладзіць праверку па факце скаргаў, што паступілі ад Максіма Гайкова, Тацьцяны Быкавай і Алега Квяцінскага ў адказ на незаконныя дзеяньні супрацоўнікаў праваахоўных ворганаў падчас рэйду на ЛГБТ-вечарыну ў віцебскім клюбе «21 стагодзьдзе» ў ноч з 12 на 13 студзеня. Цяпер актывістаў пачалі выклікаць ва УУС у мэтах дачы тлумачэньняў па прад’яўленых імі скаргах ў пракуратуру.
Сьледчы камітэт «крышуе» судзьдзяў?
Прававы інспэктар прафсаюзу РЭП Валер Місьнікаў ад імя прафсаюзнай арганізацыі зьвяртаўся да старшыні Сьледчага камітэту Рэспублікі Беларусь з заявай аб узбуджэньні крымінальнай справы ў дачыненьні да судзьдзі Чыгуначнага райсуду Віцебску Сьвятланы Варатынскай. Сьледчы камітэт ня стаў разглядаць заяву і выносіць працэсуальны дакумэнт, прадугледжаны КПК, а адказаў адпіскай, у якой начальнік аддзелу па працы са зваротамі грамадзян С. Тухто паведаміў спадару Місьнікаву, што зварот пакінуты без разгляду па сутнасьці.
Актывіст КХП-БНФ прайграў суд супраць ЖКГ
У Кастрычніцкім райсудзе Віцебску завяршыўся разгляд грамадзянскай справы паводле пазову сябра КХП-БНФ Яна Дзяржаўцава супраць намесьніка гендырэктара УКВП «Віцебская гарадзкая ЖКГ» Вадзіма Ільінца. На думку палітыка, чыноўнік, не заключыўшы зь ім дамову на прыборку тэрыторыі пасьля правядзеньня меркаванага шэсьця і мітынгу, парушыў яго грамадзянскія і палітычныя правы ды прычыніў яму маральную шкоду. Судзьдзя Вікторыя Лешчанка пазоў аб кампэнсацыі маральнай шкоды не задаволіла.
Як я ўладкоўвалася на «мужчынскую» працу, або чаму наймальнікі дыскрымінуюць жанчын?
З прычыны штучных стэрэатыпаў наймальнікаў у Беларусі не забясьпечваецца роўнасьць правоў грамадзян у сфэры працы.
Суд даў штрафы Лаўрэнаву і Кішчуку па 3 мільёны кожнаму
У Віцебску 21 лютага прайшоў суд над актывістамі аргкамітэту па стварэньні партыі “Беларуская хрысьціянская дэмакратыя” Аляксеем Кішчуком і Стасам Лаўрэнавым, якіх затрымалі 16 лютага падчас “Хвалі салідарнасьці”. Адвакат знайшоў у матэрыялах справы мноства працэсуальных парушэньняў, дапушчаных супрацоўнікамі міліцыі. У прыватнасьці, міліцыянты для “аб’ектыўнасьці” прыплялі да матэрыялаў справу жанчыну, якая нібыта была сьведкам затрыманьня, паведаміла віцебская каардынатарка БХД Тацьцяна Севярынец, якую за спробу сфатаграфаваць рэчавыя доказы выдалілі з залі суду.
Справа аб выбуху ля будынку Віцебскага КДБ раскрытая?
Раскрытая крымінальная справа, заведзеная па факце хуліганскіх дзеяньняў з выкарыстаньнем самаробнага выбуховага прыстасаваньня ля адміністрацыйнага будынку ўпраўленьня КДБ Беларусі па Віцебскай вобласьці 11 лістапада. Пра гэта паведамілі 20 лютага на сумесным брыфінгу начальнік упраўленьня Сьледчага камітэту па Віцебскай вобласьці Ўладзімер Шалухін і начальнік УУС Віцебскага аблвыканкаму Ігар Яўсееў. У зьдзяйсьненьні злачынства абвінавачваецца жанчына, раней судзімая за пашкоджаньне маёмасьці, хуліганства і крадзяжы.
На Віцебшчыне павялічваецца колькасьць забойстваў і цяжкіх цялесных пашкоджаньняў
У 2012 годзе ў Віцебскай вобласьці было зьдзейсьнена 54 забойстваў і замахаў на забойствы. Гэта амаль на 12% адсоткаў больш, чымся год раней. Гэткія дадзеныя прагучалі на каардынацыйнай нарадзе па барацьбе са злачыннасьцю і карупцыяй у Віцебскай вобласьці. Паводле зьвестак Генпракуратуры, таксама ўзрасла на Віцебшчыне колькасьць злачынстваў, зьвязаных з наўмысным прычыненьнем цяжкіх цялесных пашкоджаньняў (са 157 да 182, або на 15,9%). Павелічэньне колькасьці злачынстваў гэтай катэгорыі адбылося ў 12 раёнах вобласьці, найбольш значнае - у Кастрычніцкім, Першамайскім раёнах гораду Віцебску, Віцебскам, Мёрскім і Пастаўскім раёнах, гарадох Наваполацку і Воршы.
У Віцебску маліліся за палітвязьняў
У Віцебску 18 лютага актывісты аргкамітэту па стварэньні партыі “Беларуская хрысьціянская дэмакратыя” ў межах маратону “Хваля салідарнасьці” зладзілі супольную малітву за палітвязьняў. Яна праходзіла каля Эўфрасіньнеўскага крыжа. “Нас было няшмат, але людзей у чорным, якія пільна сачылі за намі і былі гатовыя ў любы момант на нас накінуцца, было ў два разы больш”, - адзначыла каарданатарка БХД па Віцебскай вобласьці Тацьцяна Севярынец.
Віцебскі вэнэроляг наракае на дарагоўлю прэзэрватываў
Галоўны лекар Віцебскага абласнога клінічнага скурна-вэнэралягічнага дыспансэру Віктар Сьпірыдонаў выказаўся супраць высокіх коштаў на прэзерватывы. "Маніторынг коштаў, праведзены нашымі спэцыялістамі падчас рэйдавых прафіляктычных мерапрыемстваў, паказаў, што многія гандлёвыя прадпрыемствы ставяць на прэзэрватывы высокія гандлёвыя надбаўкі, абмяжоўваючы тым самым даступнасьць гэтых вырабаў для спажыўцоў. Пры гэтым варта ўсьведамляць, што ў першую чаргу да спажыўцоў гэтага тавару належыць моладзь, даходы якой ня вельмі высокія ", - адзначыў Віктар Сьпірыдонаў.