Асобы людзей, якія, магчыма, учынілі вышэйзгаданыя дзеянні, былі ўстаноўленыя супрацоўнікамі міліцыі падчас правядзення аператыўна-вышуковых мерапрыемстваў. На момант размалёўкі сцен хлопцу было 17 гадоў. Свае супрацьпраўныя дзеянні ён запісваў на камеру мабільнага тэлефона ягонай знаёмай.

Цяпер удзельнікі мастацкага флэш-мобу знаходзяцца на волі. Да дзяўчыны прымянілі меру стрымання ў выглядзе падпіскі аб нявыездзе, за маладога чалавека паручыліся. Следства завершанае, матэрыялы перададзеныя пракурору для накіравання ў суд.

Па выніках расследавання маладым людзям выставілі абвінавачанне паводле арт. 341 КК ("Апаганьванне збудаванняў і псаванне маёмасці"). Калі суд прызнае іх вінаватымі і датычнымі да нанясення надпісаў, то ім пагражае пазбаўленне волі ад аднаго да трох месяцаў (максімальнае пакаране).

Лявон Яфрэменка