Пад праверку трапілі 11 гаспадарак васьмі раёнах вобласці, у Гарадоцкім, Чашніцкім, Дубровенскім, Пастаўскім, Лепельскім, Полацкім, Докшыцкім, Шумілінскім раёнах.

Як аказалася, доля падзяжу цялят ад нараджэння да двух месяцаў, больш за палову. Правяраючыя ўстанавілі прычыну падзяжу жывёлы – гэта парушэнне ўтрымання і кармлення. У прыватнасці, не праводзілася своечасовае ўцяпленне жывёлагадоўчых памяшканняў і прафілакторыяў на перыяд зімоўкі, нерэгулярна ачышчаліся стойлавыя месцы і кармавы стол. Не забяспечвалася і своечасовае лячэнне жывёлы і лячэбна-прафілактычныя мерапрыемствы. Не выконваўся рацыён збалансаванага кармлення. У асобных гаспадарках жывёлу нават не маглі напаіць вадой. І з-за недахопу кармоў жывёлам скормлівалі нарыхтаваныя сёлета яшчэ няспелыя.

Паводле Камітэт дзяржкантролю па Віцебскай вобласці, пра сітуацыю аператыўна праінфармавалі адпаведныя райвыканкамы і аблвыканкам. Цяпер кіраўнікі гаспадарак наводзяць парадак, узмацняюць кантроль за працоўнай дысцыплінай і недапушчэннем падобных парушэнняў.

Па выніках праверак у сферы жывёлагадоўлі на Віцебшчыне Камітэт дзяржкантролю сёлета ўзбудзіў сем крымінальных спраў, да дысцыплінарнай адказнасці прыцягнуў 41 службовую асобу, аштрафаваныя два чалавекі.

Аляксей Самойлаў