Яны сфатаграфаваліся на фоне партрэта Сталіна, а іх настаўнік гісторыі Аляксандр Кузняцоў кажа, што  рады за падлеткаў, якія акунуліся ў паўармейскі асяродак і зразумелі, што такое будні салдата.

Стала ўжо нядобрай традыцыяй, што пасля чарговага трагічнага здарэння, калі дзіця пацярпела ў выніку нядбайнасці дарослых, журналісты дзяржСМІ выпраўляюцца «з інспекцыяй» па віцебскіх дварах. Так і гэтым разам: пасля выпадку ў летніку на Бабруйшчыне, калі на 13-гадовага хлопчыка паваліліся футбольныя вароты, карэспандэнты «Витебских вестей» пацікавіліся станам абсталявання на дзіцячых пляцоўках у Віцебску. Істотных недахопаў не знайшлі, а ліквідаваць дробныя параілі самім жыхарам праз службу ЖКГ.

Як піша сайт лепельскай раёнкі lepel-kraj.by, на пасяджэнні так званай  Рады грамадскага пункта аховы правапарадку, былі праведзеныя прафілактычныя гутаркі з 10 грамадзянамі, якія, паводле ўладаў, парушалі закон і стваралі негатыўны ўплыў на грамадства.

Пра змяншэнне колькасці зваротаў грамадзян да ўладаў распавёў старшыня так званай Палаты прадстаўнікоў Уладзімір Андрэйчанка па выніках прыёму грамадзян у Глыбокім.