Віцебскія актывісты грамадзкага аб’яднаньня “Альтэрнатыва” сабралі каля 1000 подпісаў пад зваротам у Віцебскі гарвыканкам з прапановай разьмясьціць у цэнтры гораду шыльдачкі з гістарычнымі назвамі вуліцаў. Нядаўна атрымалі адказ. Улады пішуць, што нанясеньне гістарычных назваў “можа прынесьці пэўныя нязручнасьці для жыхароў і гасьцей гораду…”

Наваполацкая школа жаночага лідэрства “Мова жанчын” зладзіла адукацыйную сустрэчу пад назвай “Права жанчыны на права”. У якасьці экспэрта выступіла мясцовая юрыстка Марына Яфімава.

Бацькі асуджаных на падставе “антынаркатычнага” артыкулу 328 КК дамагаліся зладзіць круглы стол з гарадзкімі ўладамі пачынаючы ад сакавіка 2018 году. Нарэшце – адбылося. Арганізацыю круглага стала па ўдасканаленьні прафіляктыкі сярод моладзі ўзяло на сябе галоўнае ўпраўленьне па адукацыі Віцебскага аблвыканкаму.

Імпрэза адбылася 20 чэрвеня ў наваполацкім гатэлі “Дружба”. Каб паслухаць лідэраў Беларускага Нацыянальнага Кангрэсу (БНК), прыйшло больш за 60 чалавек. Па словах арганізатараў, яны самі не чакалі, што зьбярэцца столькі народу.