«Некаторыя людзі ў пагонах абарзелі і павінны быць выключаныя з грамадзтва», – заявіў Лукашэнка ў жніўні 2019 году. Празь месяц пасьля выступу шэраг грамадзянаў заявілі аб стварэньні новай ініцыятывы – «Справядлівы прысуд». Якія мэты яна перасьледуе і як мяркуе іх дасягнуць? Паразмаўлялі з адной з заснавальніц грамадзянскай ініцыятывы Тамарай Голубевай.

Гарадзкія актывісты Віцебску сустрэліся і абмеркавалі мясцовыя праблемы на Meetup 2.0. Сустрэча, на якую прыйшлі некалькі дзясяткаў маладых людзей, адбылася ў абласным цэнтры 1 сьнежня.

Новы «Рэйтынг беларускіх гарадоў» прэзэнтавалі 24 лістапада ў віцебскай арт-прасторы VZAP, дзе прайшла інтэрактыўная дыскусія «Віцебск – горад для жыцьця? Urban Day у Віцебску». Рэйтынг прэзэнтаваў дырэктар «Цэнтру новых ідэй» Антон Раднянкоў. Віцебск апынуўся на пятым месцы, Ворша – на 20-м...

Палачанка Аксана Дзьякава ўжо больш за 10 гадоў працуе валянтэркай у грамадзкай арганізацыі «Струмок» – асацыяцыі бацькоў, якія выхоўваюць дзяцей з інваліднасьцю. Аксана дапамагае ладзіць дабрачынныя імпрэзы і ранішнікі. І яна –  разбурае стэрэатыпы ў дачыненьні да людзей з інваліднасьцю…