Не так даўно святары Вячаслаў Барок і Андрэй Вашчук былі змешчаны ў базу вышуку МУС Расійскай Федэрацыі. У 2021-2022 гадах святары неаднаразова падвяргаліся пераследу з боку беларускіх ўладаў за сваю грамадзянскую пазіцыю, у тым ліку антываенную, іх арыштоўвалі і штрафавалі, з-за чаго яны былі вымушаныя пакінуць Беларусь, а Youtube-канал Барка ва ўладамі краіны прызнаны экстрэмісцкім.

Шэраг гарадоў і райцэнтраў Віцебшчыны наведваюць гэтымі днямі ўдзельнікі аўтапрабега «Дарогамі Памяці і Подзвігу», які стартаваў у Архангельску і мае завяршыцца ў Бярэсці. Удзельнікі аўтапрабега – гэта педагогі і курсанты Архангельскага навучальнага пашуковага цэнтру. Аўтапрабег мае нібыта выхаваўчыя мэты: падлеткаў заахвочваюць аддаць даніну памяці землякам-архангельцам, якія ваявалі або загінулі на тэрыторыі Беларусі. Аднак кожны прыпынак на Віцебшчыне пераўтвараецца ў ідэалагічнае мерапрыемства з удзелам мясцовых уладаў, а расейскія падлеткі падчас канцэртаў для мясцовых жыхароў спяваюць ваенныя песні, выконваюць харэаграфічныя нумары са сцягамі Расеі І Беларусі, а таксама дэманструюць навыкі абыходжання са зброяй.

З восені мінулага году на палігоне вайсковай часткі 52287 размясціліся падраздзяленні вайскоўцаў з Расеі, якія прыбылі ў Беларусь на супольныя вучэнні. Наяўнасць расейскіх салдат у прыгараднай зоне ўжо даўно не з’яўляецца сакрэтам для віцяблян: людзей у чужой вайсковай форме можна сустрэць у горадзе, яны ходзяць па крамах, звяртаюцца ў мясцовыя паліклінікі, дый практычна любы таксіст раскажа, што вазіў на Лосвіда «у госці» расейскіх сваякоў, якія прыязджаюць адведаць вайскоўцаў.

З пачатку спецыяльнай ваеннай аперацыі на 1 лютага на Украіне загінулі 111 пскоўскіх вайскоўцаў, прычым 15 расійскіх байцоў у студзені 2023 года. Пра гэта паведаміў у сваім тэлеграме губернатар Пскоўскай вобласці Міхаіл Вядзернікаў. З улікам, што на кожнага забітага, прыходзіцца як мінімум тры параненых і кантужаных, то змяншэнне ваеннаслужачых, прыпісаных да пскоўскіх ваенных частак, можна ацаніць у 350-400 чалавек.

28 траўня ў Санкт-Пецярбургу затрымалі беларуса Андрэя Рускіх, паведамляе dissidentby. Мужчына быў у фэдэральным вышуку за камэнтары ў сацсетках, паведамляецца на ягонай старонцы ў Інстаграм.

Дзень яднання народаў Беларусі і Расеі рыхтуюцца сустрэць у Талачыне і ў Шуміліне. Нягледзячы на тое, што гэтыя раёны нават не памежныя з Расейскай Федэрацыяй, раённыя ўлады абвясцілі, што 1 красавіка ўрачыста адзначаць «яднанне» з расейскім народам. Але ў найбліжэйшых да Віцебшчыны расейскіх рэгіёнах не збіраюцца наўзаем адзначаць «еднасць» з беларусамі.

03 лістапада Васілевостраўскі суд гораду Пецярбургу арыштаваў да 10 снежня грамадзянку Беларусі Яну Пінчук. У Беларусі супраць яе распачатая крымінальная справа паводле ч. 3 арт. 130 КК РБ («Распальванне расавай, нацыянальнай, рэлігійнай або іншай сацыяльнай варожасці») і ч. 1 арт. 361-1 («Стварэнне экстрэмісцкага фармавання»). Калі яе дэпартуюць, то ў Беларусі ёй пагражае да 12 год няволі.

На тэрыторыі Расейскай Федэрацыі без законных на тое падстаў быў затрыманы былы юрысконсульт ААТ «Нафтан» заводу «Палімір» Аляксандр Капшуль, які 4 снежня 2020 году далучыўся да нацыянальнай стачкі. Па затрыманні Капшуля адвезлі на памежны пераход і перадалі беларускім уладам. Цяпер ён – у СІЗА КДБ.

Кіраўнік ГА «Рускі дом» у Віцебску Андрэй Герашчанка выказаўся пра тое, што трыадзінства рускага народу неабходна запісаць у Канстытуцыю Расеі. Пра гэта ён сказаў у інтэрвію сайту «Белорусский политринг», камэнтуючы навіну пра законапраект, прыняты ў Расеі, які можа адмяніць сумоўе для грамадзян Украіны і Беларусі пры атрыманьні імі статусу носьбітаў расейскай мовы.

21 сьнежня актывісты з Воршы выказалі сваё стаўленьне да «паглыбленай інтэграцыі» з Расейскай Фэдэрацыяй. Чырвонымі літарамі на белых аркушах яны склалі фразу «За незалежнасьць». У акцыі ўзялі ўдзел каля 20 жыхароў Воршы, паведамляе orsha.eu.