Днямі на інтэрнэт-платформе «Зручны горад» з'явілася петыцыя №5840, у якой мясцовыя актывісты прасілі чыноўнікаў Міністэрства аховы здароўя прыбраць антынавуковы артыкул з сайта Наваполацкай Цэнтральнай гарадской бальніцы, у якім сцвярджаецца аб наяўнасці прамой залежнасці «звышздольнасцяў» чалавека ад групы крыві. На думку складальнікаў петыцыі Міністэрства аховы здароўя Беларусі не прызнае наяўнасць медыумаў і празорцаў навукова даказаным фактам.

Жыхары дамоў №12 і №12/1 па праспекце Будаўнікоў 13 красавіка даведаліся пра тое, што ў двары іх дома хочуць збудаваць квартал з трох пяціпавярховых дамоў, спраектаваных штучным інтэлектам і групай маладых архітэктараў. Іх  спавясцілі пра гэта аб'явамі на пад'ездах, хаця афіцыйнага грамадскага абмеркавання гарвыканкам не абвяшчаў. Ідэя наконт «ушчыльнення», а па сутнасці, пазбаўлення прыдамавой тэрыторыі, мясцовым жыхарам катэгарычна не спадабалася. Яны стварылі ініцыятыўную групу і напісалі 8 зваротаў у розныя інстанцыі, сабраўшы пад імі подпісы.

Суддзя суда Шумілінскага раёна Алена Сініцкая 5 красавіка за публічнае дэманстраванне ў сацыяльным медыя нацысцкай сімволікі і атрыбутыкі аштрафавала на 400 рублёў механізатара сельгаспрадпрыемства "Сіроцінскі" Сяргея Раманава.

Ужо некалькі гадоў запар браслаўчан хвалюе якасць вады, якая цячэ з кранаў у іх дамах і кватэрах. Апошнім часам да скарг на перыядычна ржавую і з прымешкамі ваду дадаліся прэтэнзіі да смуроднага паху. Піша сайт braslav-star.by.

Да моманту вынясення выраку ў судзе Фрунзенскага раёна Мінска, каталіцкая актывістка тры месяцы адбыла за кратамі. Паводле рашэння суддзі Юліі Крэпскай,  34-гадовую Аксану Ючкавіч вызвалілі з-пад варты ў залі суду, прызнаўшы вінаватай паводле арт. 342 Крымінальнага кодэкса (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх). 

26 красавіка ў Глыбоцкім райвыканкаме адбылося прадстаўленне Дзехцяра, новага кіраўніка Глыбоцкага раённага аддзела ўнутраных спраў. Чарговы раз на гэтую пасаду прызначаюць не мясцовага чалавека. Яго папярэднік палкоўнік міліцыі Сяргей Стэльмах адпрацаваў там толькі паўтары гады. Аб прызначэнні паведаміў начальнік УУС Віцебскага аблвыканкама генерал-маёр міліцыі Андрэй Любімаў.

Яго імя і прозвішча з'явілася ў пераліку асобаў, якія маюць дачыненне да экстрэмісцкай дзейнасці, - гэты спіс складае МУС.  Паводле яго, мужчына ўжо адбывае пакаранне, раней яго ўтрымлівалі ў віцебскім СІЗА-2. Сяргей Мельнікаў быў асуджаны судом Віцебскага раёна за абразу Аляксандра Лукашэнкі ( ч.1 арт. 368 Крымінальнага кодэкса), вырак прагучаў 28 сакавіка. Мельнікаў яго не аспрэчваў.

Дзяржаўная ўстанова "Віцебскі абласны цэнтр гігіены, эпідэміялогіі і грамадскага здароўя" 9 красавіка было праведзена тактыка-спецыяльнае вучэнне санітарна-эпідэміялагічнага атрада. Навучанне практыкам абароны насельніцтва ад наступстваў масавых эпідэмій ці прымянення біязброі стала жыццёва неабходным, паколькі ў бягучым годзе на прадпрыемстве "БелВітуніфарм" (п. Доўжа, Віцебскі раён), плануецца запусціць маштабную вытворчасць вакцын ад COVID-19, грыпу, воспы, гепатыту і іншых высокапатагенных інфекцый.

25 красавіка   прозвішча Андрэя Марачова з'явілася ў раскладзе Дубровенскага раённага суда, яго вінавацяць паводле ч.2 арт.19.11 КаАП. Чым скончыўся разбор справы, пакуль не вядома, але найхутчэй – арыштам. 8 красавіка суддзя суда Дубровенскага раёна Ігар Татаеў ужо судзіў дубровенца  за распаўсюджванне публікацый «экстрэмісцкага» зместу ў «Одноклассниках» і пакараў арыштам на трое сутак.

Згодна з рашэннем Гарадоцкага райвыканкама ўведзены пералік найбольш значных відаў прадпрымальніцкай дзейнасці. Прававы акт набыў моц 30 сакавіка бягучага года. Прынятае рашэнне, на думку ўлад, дапаможа беспрацоўным у арганізацыі прадпрымальніцкай дзейнасці, дзейнасці па аказанні паслуг у сферы аграэкатурызму і рамеснай дзейнасці.