Ад рэдактара «Народных навін Віцебска» патрабуюць выдаліць крытычны матэрыял
Рэдактар сайту «Народныя навіны Віцебска» Сяржук Серабро распавёў, што пасьля зьяўленьня на сайце тэксту “Bluefilters: альхімія продажаў фільтраў для вады ўтрыдорага» на яго пачаўся ціск. Артыкул выйшаў 13 сьнежня мінулага году. У тэксьце падрабязна апісана, як карэспандэнт запрасіў рэалізатараў фільтраў да сябе дахаты, а потым распавёў пра гэты візыт і пра іх мэтады пераконваць пакупнікоў у высокай якасьці тавару.
Таварыства беларускай мовы: Гімн Віцебску мае сумнеўныя мастацкія вартасьці
Віцебская абласная арганізацыя “Таварыства беларускай мовы імя Францішка Скарыны” даслала адкрыты ліст старшыням Віцебскіх гарсавету і выканкаму з прапановай адмяніць сваё рашэньне наконт зацвярджэньня твору, напісанага Тамарай Красновай-Гусачэнка, у якасці гімну гораду. Нагодай звароту ТБМ да ўладаў сталі факты прымушэньня вучняў у школах да вывучэньня згаданага твору.
Алег Гайдукевіч: Апроч ЛДП, ніякіх іншых партыяў у Віцебскай вобласьці няма (відэа)
У працы канфэрэнцыі Віцебскай абласной арганізацыі Лібэральна-дэмакратычнай партыі, што прайшла 25 студзеня, узяло ўдзел каля 200 дэлегатаў. Яны прадстаўлялі больш як 9000 сяброў партыі, якія налічваюцца ў вобласьці. Кіраўнікі абласной арганізацыі зрабілі справаздачу аб працы, праведзенай у 2013 годзе. Прагучала на канфэрэнцыі і тэма мясцовых выбараў: партыя зьбіраецца выставіць сваіх кандыдатаў у дэпутаты абласнога савету ва ўсіх акругах Віцебскай вобласьці.
У Полацкім раёне мясцовыя актывісты ўдзельнічаюць у выбарах
На 40 выбарчых акругаў Полацкага раёну камісія зарэгістравала 46 ініцыятыўных групаў па зборы подпісаў за вылучэньне кандыдатаў у дэпутаты. Як звычайна, гэта дырэктары мясцовых арганізацыяў і прадпрыемстваў. Але ёсьць і звычайныя грамадзяне, якія раней не вылучаліся ў дэпутаты. Цяпер ідзе збор подпісаў сярод палачан.
Пракуратура Віцебскай вобласьці занялася прадпрыемствамі АПК
Пракуратурай Віцебскай вобласьці выяўленыя парушэньні пры рэалізацыі праектаў па будаўніцтве, рэканструкцыі, мадэрнізацыі і тэхнічным перааснашчэньні арганізацыяў аграпрамысловага комплексу. Як паведамляе Генэральная пракуратура, вынікі праведзеных органамі пракуратуры Віцебскай вобласьці праверак сьведчаць пра тое, што меры мясцовых органаў улады і сельгаспрадпрыемстваў не прывялі да выкананьня ў поўным аб’ёме мерапрыемстваў Рэспубліканскай праграмы разьвіцьця малочнай галіны ў 2010—2015 гадох і іншых дзяржпраграм па выніках 2013 году.
Сын намесьніка старшыні Аршанскага райвыканкаму папаўся на карупцыі?
Вядомая ў вузкім коле фірма «ТопЭўраБуд» атрымлівала ўсе заказы райвыканкаму на будаўнічыя працы. Праваахоўныя органы ў Воршы схапіліся за галаву, ледзь толькі першыя вынікі праверкі яе дзейнасьці выплылі на паверхню.
У вiцебскiм Цэнтры сучаснага мастацтва адбылася лекцыя Валянцiна Акудовiча «Лёс нацыянальных праектаў i пэрспэктыва глябалізацыі сьвету»
Адметны філёзаф і публіцыст разважаў аб праблематыцы захаваньня чалавечага статусу і зьвязаным зь ёю пошукам шляхоў нацыянальнай ідэнтычнасьці ў сучаснай глябалізацыйнай прасторы. Лекцыя адбылася ў рамках дзейнасьці Лятучага ўнівэрсытэту і ўваходзіла ў цыкл «Гораду і Сьвету».
На гарналыжных трасах у пасёлку Руба вырубілі электрычнасьць
Сьнегавая гармата ў гарналыжным цэнтры ў Рубе маўчыць, пад’ёмнік сумуе ў нерухомасьці, ратрак (сьнегаўшчыльняльная машына) бачыць сны пра лепшыя часы. Сытуацыю растлумачыў трэнэр па горных лыжах вицебскага абласнога цэнтру алімпійскага рэзэрву Сяргей Радзевіч. Усё банальна: на гару перасталі падаваць электрычнасьць. Без электрычнасьці не працуюць ні гармата, ні пад’ёмнік. І калі запрацуюць - невядома.
Суполка незалежнага прафсаюзу выставіла свае патрабаваньні «Нафтану»
15 студзеня адбылася пазачарговая канфэрэнцыя першаснай арганізацыі Беларускага Незалежнага прафсаюзу гарнякоў, хімікаў, нафтаперапрацоўшчыкаў, энэргетыкаў, транспартнікаў, будаўнікоў і іншых работнікаў, работнікаў ААТ «Нафтан». Прычынай скліканьня канфэрэнцыі стала сытуацыя, якая склалася з узгадненьнем рэдакцыі праекту калектыўнай дамовы, прапанаванай да падпісаньня на 2014-2017 гады.
Губэрнатар Косінец: Праблема браку лекараў вузкіх спэцыяльнасьцяў павінна быць вырашаная ў 2014 годзе
Праблема браку вузкіх спэцыялістаў ва ўстановах аховы здароўя Віцебскай вобласьці павінна быць вырашаная ў бягучым годзе. Такую задачу паставіў старшыня Віцебскага аблвыканкаму Аляксандар Косінец на паседжаньні аблвыканкаму, дзе разглядаліся пытаньні разьвіцьця матэрыяльна-тэхнічнай базы ўстаноў аховы здароўя вобласьці ў 2011-2013 гадох і задачы на пэрыяд да 2015 году.