Віцебская абласная арганізацыя партыі БНФ прапануе вырашэньне транспартнай праблемы ў Воршы
Пасьля закрыцьця аварыйнага моста праз Дняпро ў раёне льнокамбінату ў Воршы зьявіліся вялікія аўтамабільныя заторы. У лісьце за подпісам намесьніка старшыні Віцебскай абласной рады партыі БНФ Кастуся Смолікава на імя старшыні Аршанскага райвыканкаму ўтрымліваюцца прапановы, якія могуць паменшыць аўтамабільныя коркі ў горадзе:
Віцебскім чыгуначнікам затрымліваюць выплату заробкаў
Рабочым вагоннага ўчастку БЧ у Віцебску раяць рабіць заначкі на чорны дзень. «Я працую на Віцебскім вагонным участку ўжо пяць гадоў. За гэты час шмат што здаралася, але затрымкі па выплатах заработнай платы і авансу не было. На пачатку 2013 году нам пачалі штомесяц затрымліваць выплаты авансаў на пару дзён, а бліжэй да канца году пачалі затрымліваць і саму заработную плату, прычым сыстэматычна тлумачачы затрымкі тым, што набралі шмат крэдытаў і купілі новыя вагоны», - паведаміў супрацоўнік прадпрыемства.
Праваабаронца павіншаваў віцебчукоў з 65-годзьдзем прыняцьця Ўсеагульнай Дэклярацыі правоў чалавека, і сам атрымаў «віншаваньне» ад судзьдзі
Пётар Іваноў зладзіў акцыю, прымеркаваную да Дня правоў чалавека, які адзначаецца 10 сьнежня. Ён выйшаў у цэнтар Віцебску, дзе раздаў мінакам з паўсотні асобнікаў Усеагульнай Дэклярацыі правоў чалавека, прынятай 65 гадоў таму генасамблеяй ААН. Не забыў падарыць асобнікі дэклярацыі і супрацоўнікам суду, куды быў выкліканы ў гэты дзень. Судзьдзя Натальля Карабліна не засталася ў даўгу: яна парупілася, каб праваабаронца таксама не застаўся без «падарунку», абдарыўшы яго штрафам.
Леанід Сьвецік: Праваабаронцы будуць прызнаныя героямі
10 сьнежня споўнілася 65 гадоў з моманту прыняцьця Генэральнай Асамблеяй ААН Усеагульнай Дэклярацыі правоў чалавека. Гэтая дата дае падставу паразважаць пра стан правоў чалавека ў Беларусі. Для гэтага «Дыялёг» сустрэўся зь віцебскім праваабаронцам Леанідам Сьвецікам.
Віцебскія актывісты КХП-БНФ ізноў падалі заяўкі на пікеты
Пад чарговымі заяўкамі на пікеты, пададзенымі ў раённыя адміністрацыі Віцебску, стаяць подпісы чатырох актывістаў КХП-БНФ. Пікеты мусяць адбыцца 14 і 15 сьнежня. Празь іх партыйцы хочуць выказаць сваё адмоўнае стаўленне да будаўніцтва ядзерных аб’ектаў, якія могуць стаць новымі «чарнобылямі», ды давесці да сьвядомасьці жыхароў інфармацыю пра небясьпеку, якую нясе незалежнасьці Беларусі разьмяшчэньне вайсковых баз Расеі ў нашай краіне.
Праваабаронцу Паўлу Левінаву забаранілі ладзіць пікеты ў Дзень правоў чалавека
Тры пікеты, па адным у кожным з раёнаў Віцебску, мусілі адбыцца 10 сьнежня, у Сусьветны дзень правоў чалавека. Нягледзячы на тое, што пікеты плянаваліся як адзіночныя і працягласьць кожнага зь іх складала б толькі адну хвіліну, – улады палічылі немагчымым іх правядзеньне без дамоваў аб мэдычным абслугоўваньні зь лекарамі, аб ахове зь міліцыянтамі і аб прыборцы тэрыторыі са сьмецьцярамі.
Яшчэ два пікеты, прымеркаваныя да Дня правоў чалавека, забаранілі ў Віцебску
Прычына чарговых забаронаў ужо звыклая: адсутнасьць дамоваў на абслугоўваньне акцыяў. Хоць актывісты і спрабавалі заключыць дамовы, зьвярнуўшыся ў належныя службы за два месяцы да заплянаваных акцыяў, ім адмовілі ў абласной управе МУС і цэнтральнай гарадзкой паліклініцы.
Канстытуцыйны суд адказаў рабочым «Шкловалакна»
Сакратарыят Канстытуцыйнага суду не прыняў да разгляду скаргу рабочых на пункт калектыўнай дамовы полацкага заводу «Шкловалакно», які, на думку скаржнікаў, супярэчыць Канстытуцыі краіны. У адказе, падпісаным начальнікам Сакратарыяту суду Аляксандрам Караваем, сказана, што калектыўная дамова прадпрыемства не належыць да прававых актаў, якія разглядае Канстытуцыйны суд.
Віцебскі абласны суд не задаволіў скаргу Хрыстафора Жаляпава і Аляксея Гаўруцікава
Віцебскія актывісты спрабавалі аспрэчыць рашэньне Кастрычніцкага райсуду, куды зьвярталіся пасьля атрыманай забароны на шэсьце і мітынг салідарнасьці зь Ігарам Пастновым. Абласны суд адхіліў скаргу, пагадзіўшыся з райсудом. Віцебскія актывісты лічаць, што іх права на мірныя сходы парушыў спачатку гарвыканкам, які вынес забарону, потым раённы суд, які прызнаў гэтую забарону законнай, а цяпер яшчэ і абласны суд.
Кітайцы абвясьцілі пачатак вялікай бітвы на Віцебшчыне
Жыхароў Прыдзьвіньня зацікавіў велізарны лёзунг, які змайстравалі на беразе Дзьвіны на месцы будаўніцтва Віцебскай гідраэлектрастанцыі. На процілеглым ад Лужасна беразе Дзьвіны ўсталяваныя дванаццаць вялікіх белых шчытоў, на якіх чырвонай фарбай напісаныя герогліфы. З дапамогай калегаў, якія валодаюць кітайскай мовай, удалося атрымаць пераклад гэтага лёзунгу.