Каардынатар кампаніі «Гавары праўду» ў Віцебску Сяргей Парсюкевіч падаў 13 верасьня ў Віцебскі гарвыканкам і гарсавет чатыры калектыўных звароты грамадзян з настойлівымі просьбамі аб вырашэньні надзённых праблем. Нагадаем, у канцы жніўня акруговая камісія не зарэгістравала Сяргея Парсюкевіча ў якасьці кандыдата, забракаваўшы подпісы выбаршчыкаў. Цяпер ён прадставіў на разгляд дзейным дэпутатам гарадзкога савету і чыноўнікам гарвыканкаму калектыўныя звароты, пад якімі падпісаліся 600 віцяблян. Гэтыя подпісы – не збракуеш.