- Вы тут:
-
Галоўная
- Вясна
- Катэгорыя: Вясна
16.08.2024 Тэгі: палітвязні, умовы ўтрымання, прымусовая праца, гісторыі вязняў Працу ў беларускіх калоніях называюць прымусовай, бо часта гэта цяжкая брудная праца з парушэннем нормаў бяспекі і шасцідзённым працоўным тыднем для палітычных зняволеных, як у наваполацкай калоніі № 1. За сартыроўку пластыкавых адкідаў з прамысловых прадпрыемстваў, выраб вугалю, пераапрацоўку другаснай сыравіны, працы на дрэваапрацоўцы вязні атрымліваюць фармальныя заробкі ўсяго па некалькі капеек у месяц. З гэтых прычын некаторыя зняволеныя адмаўляюцца працаваць на прамысловых зонах у калоніях. Адзін з іх — былы палітзняволены Глеб Гатоўка, якога асудзілі да чатырох гадоў зняволення за падзеі 14 ліпеня 2020 года ў Мінску. Ён цалкам адбыў тэрмін і выйшаў на волю вясной 2024 года.
- Катэгорыя: Вясна
15.08.2024 Тэгі: суды, крымінальны пераслед, грамадства, ціск, рэпрэсіі, спецвытворчасць 
14 жніўня 2024 году ў Мінскім гарадскім судзе ў межах спецвытворчасці вынесены прысуд Генадзю Капітанаву. Яго прызналі вінаватым паводле арт. 369 (абраза прадстаўніка ўлады), арт. 368 (абраза Лукашэнкі), арт. 130 (распальванне сацыяльнай варожасці і варажнечы), ч. 3 арт. 361 (заклікі да санкцыяў) Крымінальнага кодэксу і асудзілі да шасці гадоў пазбаўлення волі ў калоніі ва ўмовах агульнага рэжыму.
- Катэгорыя: Вясна
15.08.2024 Тэгі: суды, крымінальны пераслед, свабода мірных сходаў У судзе Баранавіцкага раёна і горада Баранавічы 15 жніўня вынеслі прысуд паводле ч. 1 арт. 342 Крымінальнага кодэкса (актыўны ўдзел у дзеяннях, што груба парушаюць грамадскі парадак) тром мясцовым жыхарам — Аляксандру Тарасевічу, Дзмітрыю Блашчэніцу, а таксама былому палітвязню Пятру Зіневічу. Іх асудзілі за ўдзел у акцыі пратэсту ў ноч з 9 на 10 жніўня 2020 года. Суддзя Аксана Літвінчык прызначыла ўсім калонію — ад аднаго года і шэсць месяцаў да двух з паловай гады. Негледзячы на тое, што Зіневіча раней амніставалі са зняццем судзімасці, цяпер яму прызначылі на год зняволення болей, чым астатнім.
- Катэгорыя: Вясна
15.08.2024 Тэгі: умовы ўтрымання, пенітэнцыярная сістэма 
Праваабарончая установа “Лекары за праўду і справядлівасць” у адпаведнасці са сваімі статутнымі мэтамі і задачамі праводзіць даследванне якасці і эфектыўнасці медыцынскіх і псіхалагічных паслуг жанчынам у пенітэнцыярных установах Беларусі па тэме жаночага здароўя ў зняволенні.
- Катэгорыя: Вясна
15.08.2024 Тэгі: скаргі, ААН, свабода мірных сходаў 
Камітэт па правах чалавека ААН 17 ліпеня 2024 года на сваёй чарговай сесіі прыняў рашэнне адносна 21-га паведамлення, прадстаўленага 13-ю грамадзянамі і грамадзянкамі Рэспублікі Беларусь на разгляд згодна з Факультатыўным пратаколам да Міжнароднага пакта аб грамадзянскіх і палітычных правах. Скаргі былі падрыхтаваныя як самімі пацярпелымі, гэтак і іх прадстаўнікамі – беларускімі праваабаронцамі – яшчэ да таго, як дэнансацыя беларускай дзяржавай Факультатыўнага пратакола набыла моц 8 лютага 2024 года. Адно з рашэнняў прынята па паведамленні № 3826/2020, прадстаўленага праваабаронцам Алегам Мацкевічам ад імя грамадзяніна Рэспублікі Беларусь Аляксандра Абрамовіча.
- Катэгорыя: Вясна
14.08.2024 Тэгі: суды, крымінальны пераслед, палітвязні 
У Мінскім гарадскім судзе 14 жніўня вынеслі прысуд 63-гадовай палітзняволенай Ірыне Такарчук, якую затрымалі падчас масавага рэйду сілавікоў на сваякоў палітвязняў. Маму блогеркі Вольгі Такарчук абвінавацілі паводле па ч. 2 арт. 361-4 Крымінальнага кодэкса (садзейнічанне экстрэмісцкай дзейнасці). Суддзя Таццяна Фалькоўская прызначыла ёй тры гады калоніі ва ўмовах агульнага рэжыму, піша "Краіна для жыцця".
- Катэгорыя: Вясна
14.08.2024 Тэгі: пераслед, ціск, рэпрэсіі, экстрэмізм У Беларусі не спыняюцца затрыманні, ператрусы, катаванні ў ізалятарах, аказваецца ціск на палітвязняў, незалежныя медыяпрадукты прызнаюць "экстрэмісцкімі матэрыяламі і фармаваннямі". Праваабарончы цэнтр "Вясна" 13-14 жніўня 2024 году збірае факты палітычнага пераследу беларусаў і беларусак – інфармацыя ўвесь час дапаўняецца.
- Катэгорыя: Вясна
13.08.2024 Тэгі: палітвязні, умовы ўтрымання, гісторыі вязняў Былога палітзняволенага з Мінску Міхаіла (імя зменена ў мэтах бяспекі) выпадкова затрымалі напачатку 2024 года, як незалежнага назіральніка за прэзідэнцкімі выбарамі 2025 года. Пазней у яго знайшлі здымкі з акцый пратэсту і асудзілі па "народным" артыкуле на некалькі гадоў "хатняй хіміі". Хлопец вырашыў не адбываць пакаранне і з’ехаў за мяжу.
- Катэгорыя: Вясна
13.08.2024 Тэгі: звароты, ААН, палітвязні, права на здароўе 
Юрысты праваабарончага цэнтра “Вясна”, занепакоеныя станам здароўя палітзняволенага Паўла Кучынскага, падрыхтавалі і накіравалі зварот у Працоўную групу ААН па адвольных затрыманнях. Раней быў пададзены зварот Cпецдакладчыкам ААН. На падставе гэтага звароту Спецдакладчыкі напрыканцы траўня звярнуліся з лістом да беларускай дзяржавы па сітуацыі з пагаршэннем здароўя палітвязня, аднак адказу дагэтуль не атрымалі.
- Катэгорыя: Вясна
12.08.2024 Тэгі: суды, крымінальны пераслед, палітвязні, пенітэнцыярная сістэма У судзе Ленінскага раёна Магілёва 17 ліпеня вынеслі прысуд палітвязню Цімуру Рызапуру па крымінальнай справе за "злоснае непадпарадкаванне адміністрацыі калоніі" (арт. 411 Крымінальнага кодэкса). Суддзя Наталля Панасенка прызначыла Цімуру яшчэ адзін год пазбаўлення волі ў дадатак да чатырох з паловай гадоў калоніі, піша "Берасцейская Вясна".