Праект пагадненьня з ЭЗ пра фінансаваньне цэнтраў для незаконных мігрантаў месяц таму ўхваліў Савет Міністраў Рэспублікі Беларусь. У выніку, калі пагадненьне набудзе моц, Беларусь зможа атрымаць ад Эўропы ў межах пагадненьня 7 мільёнаў эўра, прадугледжаных у якасьці міжнароднай тэхнічнай дапамогі.

Двое жыхароў Віцебску заявілі, што іх зьбілі супрацоўнікі АМАП. Паводле заявы праводзіцца праверка. Пасьля сустрэчы з АМАПаўцамі, распавядаюць хлопцы, у іх на целе засталіся вялізныя гематомы, зламаная рука, разьбітыя тэлефон і машына.

24 ліпеня ў памяць старшыні калгасу «Заклік» Антона Рамашкі зь вёскі Рашоткі Віцебскага раёну, Бараўлянскага с/с да мэмарыяльнага крыжа ва ўрочышчы Хайсы актывісты прымацавалі шыльду з надпісам: «Рамашка Антон Іванавіч. Бязьвінная ахвяра сталінскага тэрору».

За зьдзек зь дзяржаўнага сьцягу Рэспублікі Беларусь віцябчук прысуджаны да штрафу ў 80 базавых велічынь, паведаміў старшы памочнік пракурора гораду Віцебску Сяргей Урбановіч.

Сям'я зь пяці чалавек – двое бацькоў і трое іх непаўнагадовых дзяцей – была затрыманая ў 50-ці кілямэтрах ад мяжы зь Летувой 21 ліпеня. Інфармацыя пра нелегальных мігрантаў паступіла ў кампэтэнтныя органы ад аднаго зь мясцовых жыхароў.

Цёплым ліпеньскім надвячоркам 21 ліпеня беларуская пісьменьніца, украінка па нацыянальнасьці, старшыня Таварыства ўкраінскай літаратуры пры Саюзе беларускіх пісьменьнікаў Наталка Бабіна наведала Віцебск, каб пагутарыць з чытачамі пра беларуска-ўкраінскія літаратурна-моўныя дачыненьні. Сустрэча адбылася ў залі арт-пабу «Торвальд».

Пра тое, што палітвязень Міхаіл Жамчужны знаходзіцца ў карантыне ПК №9 (г. Горкі Магілёўскай вобласьці), віцебскія праваабаронцы даведаліся з атрыманага імі надоечы кароткага ліста. Гэта ўжо трэцяя па ліку папраўчая калёнія, у якой даводзіцца адбываць пакараньне вязьню сумленьня.

У Наваполацку 22 ліпеня адбылася сустрэча старшыні Беларускай сацыял-дэмакратычнай партыі (Народная Грамада) Міколы Статкевіча з грамадзкімі і партыйнымі актывістамі Полацкага рэгіёну. Статкевіч распавёў пра палітычную сытуацыю ў краіне і ў сьвеце, адказаў на шматлікія пытаньні прысутных.

Сёлета ў чэрвені грамадзкасьці стала вядома, што віцебскія гарадзкія ўлады ўнесьлі зьмены ў сумнавядомае рашэньне гарвыканкаму ад 10 ліпеня 2009 году № 881 «Аб масавых мерапрыемствах у горадзе Віцебску». Аднак на паверку выявілася, што зьмены аказаліся чыста фармальнымі і не зьмянілі да лепшага становішча з магчымасьцю ладзіць масавыя мерапрыемствы ў Віцебску.

Парадаксальна, але ў вёсцы, што ёсьць самым прыгарадам Віцебску, якая знаходзіцца паблізу трох азёраў, дагэтуль няма водаправоду. Як няма і іншай сыстэмы забесьпячэньня воднымі рэсурсамі, дастатковай для паўнавартаснага пражываньня большасьці яе жыхароў.