22 лютага Вярхоўным судом былі распачатыя слуханьні па справе былога сенатара Ганны Шарэйкі. Член Савету Рэспублікі ў мінулым і яшчэ 6 асоб абвінавачваюцца ў перавышэньні ўлады альбо выкарыстаньні службовага становішча, што зьдзейсьніла арганізаваная група (арт. 18, ч. 3 арт. 424 Крымінальнага кодэксу РБ). Шарэйка, якая калісьці займала пасаду кіраўніка Віцебскай бройлернай птушкафабрыкі, віны не прызнала.

На галоўнай плошчы гораду былі сабраныя практычна ўсе войскі віцебскага гарнізону. Яны выстраіліся на плошчы Перамогі разам з баявой тэхнікай у складзе васьмі БМП-80.

Былы палітвязень, лідэр «Маладога Фронту», вернік пратэстанцкай царквы Зьміцер Дашкевіч пазнаёміў месьцічаў са сваім творам «Чарвяк», падзяліўся думкамі адносна цяпершчыны ды будучыні краіны. Сустрэча адбылася ў памяшканьні «Эўрапейскага клюбу».

На Віцебшчыне з амаль 17 тысяч заяваў аб распачынаньні загаднай вытворчасьці, што паступілі ў эканамічны суд, у 90% выпадкаў даўжнікамі зьяўляліся прадпрыемствы і арганізацыі.

Некалькі стыхійных мітынгаў прайшло ў горадзе, перш чым кошт платнай рыбалкі быў зьніжаны з 50 тысяч рублёў за раз да 40 тысяч на месяц. Праўда, месьцічы пратэставалі і іншымі спосабамі, і тым ліку незаконнымі.

Напрыканцы студзеня ў бешанковіцкай раённай газэце «Зара» зьявіўся артыкул памочніка пракурора Веры Ларковай. Размова ў ім вялася наконт «лядашчага» двухпавярховага будынку па вуліцы Мічурына, 19.

У сямітыcячным гарадку на Віцебшчыне ёсьць беларускі аддзел «Начных ваўкоў», вайскова-патрыятычны клюб «Спарта», кіраўнік якога перадае вітаньні Гіві і Матаролу на Данбас, і спаборніцтвы па «Русскому жиму».

Пасьля пераўтварэньня клюбу пажылых людзей «Залаты век» у віцебскае гарадзкое грамадзкае аб'яднаньне, галоўным заданьнем сваёй дзейнасьці яго кіраўніцтва бачыць у захаваньні і ўмацаваньні здароўя, а таксама ў максымальным падаўжэньні пэрыяду сацыяльнай запатрабаванасьці пажылых грамадзян.

17 лютага ў Маскоўскім судзе Менску адбыліся працэсы над прадпрымальніцай Ірынай Яскевіч зь Віцебску і старшынём АГП Анатолем Лябедзькам за акцыю 18 студзеня на плошчы Незалежнасьці ў сталіцы. Завочна таксама асуджаныя да штрафаў актывісты Артур Адамян і Ніна Багінская.

Віцебскі цэнтар стандартызацыі, мэтралёгіі і сэртыфікацыі кожны панядзелак будзе праводзіць «Дзень адчыненых дзьвярэй» для індывідуальных прадпрымальнікаў.