Прадстаўнікі беларускай праваабарончай супольнасці выступілі з заявай пра прызнанне палітзняволенымі яшчэ 12-ці чалавек, у тым ліку жыхаркі пасёлку Ветрына Полацкага раёну Святланы Фірсавай і палачаніна Міхаіла Лабаня. На цяперашні момант іх утрымліваюць у віцебскім СІЗА-2 пасля судоў, якія адбыліся 20-га жніўня.

Апублікавана ў Палітвязьні

Полацкі райвыканкам вырашыў мадэрнізаваць кальцавую развязку, у цэнтры якой зараз знаходзіцца танк на пастаменце. Адмыслоўцы распрацавалі два варыянты, адзін з якіх прадугледжвае захаванне танка ў цэнтры пяціканцовай зоркі, падсвечанай пражэктарамі на аздобленым клумбамі пагорку. Другі варыянт – гэта праваслаўны крыж у цэнтры пагорка.

Апублікавана ў Культурныя правы

Паводле следства, 28-гадовая жыхарка пасёлку Ветрына публікавала ў Тэлеграм-каналах абразлівыя выказванні на адрас Аляксандра Лукашэнкі – у 2020-м і ў 2021-м годзе. Пракурорка Вольга Коласава заявіла, што падсудная рабіла гэта дзеля выказвання сваіх апазіцыйных поглядаў, якіх не змяніла, нягледзячы на ранейшыя судовыя спагнанні.

Апублікавана ў Суд

Крымінальную справу супраць жыхаркі гарадскога пасёлку Ветрына распачалі 15 сакавіка, і ўжо 16 сакавіка яна апынулася за кратамі. Некалькі дзён пасля затрымання Святлана Фірсава знаходзілася ў Полацкім ІЧУ, а потым яе перавялі ў Віцебскі СІЗА. Яе вінавацяць паводле ч.1, арт.368 Крымінальнага кодэксу за каментар у інтэрнэце да відэа з прамовай Аляксандра Лукашэнкі, напісаны яшчэ ў 2021 годзе.

Апублікавана ў Суд

5 траўня ў судзе Полацку і Полацкага раёну вынесены прысуд мясцоваму жыхару Андрэю Бойку. Яго абвінавацілі ў абразе прэзідэнта (ч.1 арт 368 Крымінальнага кодэксу). Суддзя Андрэй Дзергачоў прызнаў Бойку вінаватым і прызначыў яму пакаранне: 1,5 года «хіміі» з накіраваннем ва ўстанову адкрытага тыпу.

Апублікавана ў Суд

Мікалая Шараха затрымалі апоўдні 19 красавіка, калі ён кіраваўся на судовы працэс над работнікам ААТ «Полацк-Шкловалакно» Юрыем Шчарбаковым. Паводле сяброў, лідара СПБ прывезлі дахаты ў суправаджэнні чатырох міліцэйскіх машын і ўчынілі ператрус. Забралі кампутары і мабільны тэлефон.

Апублікавана ў Затрыманьні

Па рашэнні суду Полацку і Полацкага раёну работнік прадпрыемства «Полацк-Шкловалакно» Юрый Шчарбакоў быў асуджаны да 15-ці сутак арышту за дзве публікацыі ў сацыяльных сетках. Абедзве публікацыі былі зроблены некалькі год таму, але толькі цяпер сталі падставай для адміністрацыйнай справы і судовага разбіральніцтва. Рашэнне пра арышт прыняў суддзя Андрэй Дзергачоў.

Апублікавана ў Суд

Суд Полацкага раёна прысудзіў 52-гадовага ўраджэнца Полацка, які працаваў кіроўцам аўтобуса ў Польшчы да 7,5 гадоў пазбаўлення волі. Асуджанаму ставілі ў віну стварэнне і кіраўніцтва экстрэмісцкім фарміраваннем, а таксама дзеянні, накіраваныя на ўзбуджэнне сацыяльнай варожасці і навучанне асоб для ўдзелу ў масавых беспарадках. Тым не менш пасля асуджэння рэдактара ТК працягвае распаўсюджваць інфармацыю і мае 770 падпісчыкаў.

Апублікавана ў Суд

Артыкул з глыбакадумнай назвай «Искусство – не всегда искусство, а в некоторых случаях – это преступление» быў надрукаваны ў газеце «Полацкі веснік». Суддзя суду Полацку і Полацкага раёну вырашыў распавесці, за што ён аштрафаваў дзвюх дзяўчат з г.п. Ветрына. На ягоную думку, Святлана Фірсава і Вольга Трунова «абражалі пачуцці грамадзянаў», дэманструючы «пагарду да маральных каштоўнасцяў».

Апублікавана ў Суд

Жыхарка Полаччыны, паводле праваабаронцаў, якія спасылаюцца на праўладныя Тэлеграм-каналы, была затрыманаz ў Віцебску. Падставай стала тое, што 28-гадовая супрацоўніца полацкай стаматалагічнай клінікі Святлана Фірсава нібыта пакінула абразлівы каментар пад відэа з прамовай Лукашэнкі, і здарылася гэта яшчэ ў 2021 годзе.

Апублікавана ў Затрыманьні