Судовы працэс прайшоў у судзе Чыгуначнага раёну, але трапіць туды сябры Булаўскага не здолелі. Да апошняга моманту не было вядома, калі адбудзецца суд, і ці будзе ён увогуле. Даведацца ўдалося толькі пра вынік: 30 сутак арышту за парушэнне парадку арганізацыі і правядзення масавых мерапрыемстваў (арт 24.23 КаАП).

Сябры віцебскага музыкі і арт-менеджэра распавялі, што ён быў затрыманы 6 ліпеня ў райцэнтры Сянно, дзе меўся выступаць на канцэрце «Купальскае кола». Паводле відавочцаў, затрымлівалі Булаўскага без тлумачэнняў: да яго проста падышлі два чалавекі ў цывільным і нібыта павезлі ў Віцебск. Ягоны тэлефон не адказвае дагэтуль.

Ціну Палынскую, журналістку з Полацку, 17 чэрвеня выклікалі ў суд, дзе мусіў адбыцца працэс наконт яе допісаў у «Фэйсбуку» пра візіт патрыярха Кірыла. Суд не адбыўся, бо матэрыялы справы было вырашана накіраваць на дапрацоўку ў міліцыю. Цяпер жанчына атрымала афіцыйную паперу з Полацкага РАУС, што адміністрацыйную справу супраць яе скасавалі.

У сярэдзіне траўня ў Наваполацку на працоўным месцы затрымалі 32-гадовага супрацоўніка «Нафтана» Барыса Жахоўскага. Першы суд на Барысам адбыўся 16 траўня. Суддзя Вольга Баліка асудзіла яго да 15 сутак арышту за «распўсюд экстрэмісцкіх матэрыялаў» (арт. 19.11 КаАП). Але на волю ён не вышаў — быў складзены новы пратакол па арт. 19.11 КаАП. Вынікам сталі чарговыя 15 сутак.

5 чэрвеня ў полацкай кватэры Палынскіх прайшоў ператрус. Непасрэднай прычынай інтарэсу сілавікоў да Ціны Палынскай сталі яе допісы ў Фэйсбуку напярэдадні візіту ў Полацк Патрыярха Кірыла. 6 чэрвеня, падчас сустрэчы палачанаў з  кіраўніком Рускай праваслаўнай царквы ў Беларусі, журналістку затрымалі міліцыянты, якія заўважылі ў яе на сумцы  і на фотаапараце жоўтыя і блакітныя стужкі.

25 сакавіка суд Верхнядзвінскага раёна разглядзеў справу 22 гадовага мясцовага жыхара. Яго абвінавацілі па арт. 24.23 КаАП у тым, што ён правёў несанкцыянаванае пікетаванне на сайце Адміністрацыі Лукашэнкі. Суддзя Людміла Каваленка прызнала мужчыну вінаватым і арыштавала яго на 15 сутак.

Візіт участковага міліцыянта актывістка звязвае з тым, што сёння – Дзень Волі, і супрацоўнікі міліцыі імкнуцца перадухіліць масавыя акцыі. Таццяна Севярынец распавяла, што яе папярэдзілі пра адказнасць за ўдзел і арганізацыю несанкцыянаваных масавых выступаў – далі падпісаць афіцыйную паперу, што яна знаёмая са зместам адміністрацыйнага артыкула 24.23 КаАП (Парушэнне парадку арганізацыі масавых мерапрыемстваў).

Доктару Уладзіміру Мартаву, затрыманаму на лецішчы пад Лепелем, прысудзілі 7 сутак адміністратыўнага арышту. Яго прызналі вінаватым у парушэнні заканадаўства аб масавых мерапрыемствах. Пра гэта паведаміла ў Фэйсбуку журналістка Таццяна Матвеева са спасылкаю на жонку медыка Алену.

Былога загадчыка аддзялення рэанімацыі Віцебскага клінічнага шпіталю хуткай дапамогі Уладзіміра Мартава затрымалі 22 лютага на ягоным лецішчы ў Лепелі. Пра гэта журналістам паведаміла журналістам ягоная жонка. Па ейных звестках, Мартаў зараз знаходзіцца ў ІЧУ Лепеля. Суд, магчыма, адбудзецца, 23 лютага.

Жыхар Полацку Анатоль Каханчык, якога 21 снежня асудзілі на 25 сутак адміністрацыйнага арышту, трымаў у віцебскім ІЧУ сухую галадоўку. На 5 дзень, калі стан ягонага здароўя моцна пагоршыўся, адміністрацыя ізалятару вымушаная была выклікаць хуткую і адправіць Каханчыка ў шпіталь. Як паведаміў на сваёй старонцы ў Фэйсбуку Анатоль Каханчык, з яго нібыта «афіцыйна знялі арышт». Піша, што «зараз свабодны» і паціху аднаўляе здароўе.