За малюнкі і відэа ў сацсетках віцябчук можа трапіць за краты
Жыхар Віцебску падазраецца ў распальваньні расавай і нацыянальнай варожасьці з-за запісаў у сацыяльных сетках. Пра гэта паведамілі ў Сьледчым камітэце.
У Віцебску за арганізацыю незаконнай міграцыі асудзілі чатырох чалавек
Трое жыхароў Віцебскай вобласьці і іх хаўрусьнік з Таджыкістану, якія арганізавалі канал нелегальнай міграцыі ў Эўразьвяз, прысуджаныя да трох гадоў пазбаўленьня волі з канфіскацыяй маёмасьці.
За публікацыю ва «УКантакце» – 2 гады абмежаваньня волі
Суд Полацкага раёну 19 лістапада вынес рашэньне абмежаваць свабоду Зьмітра Русака на 2 гады. Да хатняй хіміі жыхар гарадзкога пасёлку Ветрына прысуджаны за заведама фальшывае паведамленьне ў інтэрнэце пра бомбу, нібыта закладзеную ў гандлёвым цэнтры ў Полацку, і абразу прэзыдэнта.
Ператрус у віцебскага доктара-праўдаруба Пастнова – забралі лямпавы тэлевізар “Віцязь”
У суботу 10-га лістапада ў кватэры віцебскага псыхіятра Ігара Пастнова адбыўся ператрус. Пра гэта Пастноў паведаміў у сацсетках. Як піша, міліцыянты шукалі наркотыкі, парнаграфію, фальшывыя грошы і перапіску з амбасадамі і праваабарончымі арганізацыямі. А ў выніку – забралі лямпавы тэлевізар…
Жыхара Полацкага раёну будуць судзіць за допіс у сацсетцы
36-гадовага жыхара гарадзкога пасёлку Ветрына будуць судзіць за фальшывае паведамленьне пра небясьпеку паводле часткі 1 артыкулу 340 КК. Апроч таго, яму ставіцца ў віну абраза прэзыдэнта (артыкул 368 КК).
Віцебскі абласны суд вынес вырак грамадзяніну Турэччыны: 17 гадоў зьняволеньня
13 верасьня судовая калегія па крымінальных справах Віцебскага абласнога суду прыгаварыла 34-гадовага грамадзяніна Турэччыны Гекліка Байрама да 17 гадоў пазбаўленьня волі за забойства 29-гадовай дзяўчыны з Банглядэш.
Віцебчука асудзілі за відэаролікі ў сацыяльнай сетцы
13 верасьня Віцебскі абласны суд прызнаў жыхара Віцебску Пятра Трублінскага вінаватым у распальваньні нацыянальнай варожасьці. За разьмяшчэньне ў сацыяльнай сетцы «УКантакце» відэаролікаў нібыта экстрэмісцкага характару судзьдзя Людміла Ларына вынесла рашэньне пакараць яго двума гадамі зьняволеньня з адтэрміноўкай на адзін год.
Расейца і дваіх аршанцаў затрымалі за арганізацыю канала нелегальнай міграцыі
Жыхары Воршы і грамадзянін Расеі былі затрыманыя ўначы 9 верасьня, калі везьлі ў бок летувіскай мяжы чатырох віетнамцаў.
На віцяблян завялі крымінальную справу за паклёп на пракурора
Упраўленьне СК РБ па Віцебскай вобласьці распачало крымінальную справу па ч.2 арт. 188 КК РБ (Паклёп) супраць віцяблян Рафаэля Кірылава-Шмільхольдхарда і доктара-праўдаруба Ігара Пастнова. Падставай стала заява пракурора гораду Віцебску Юрыя Раманоўскага.
У Воршы судзяць фаната. Пакуль за “экстрэмізм”, але могуць дадаць і “распальваньне варожасьці”
28 жніўня ў судзе Аршанскага раёну і Воршы распачаўся працэс, на якім вызначыцца, ці мелі нашыўкі на затрыманым міліцыяй 19-гадовым Аляксею Сукорскім экстрэмісцкі зьмест.