Датычныя да карупцыйных злачынстваў «карысталіся даверам у сваіх калектывах»
Гэта словы старшыні Наваполацкага гарвыканкама Ігара Бурмістрава, які праводзіў чарговае пасяджэнне гарадской рады па прафілактыцы карупцыі. Рада існуе, пасяджэнні праводзяцца, а карупцыя так і не знішчана: удзельнікі пасяджэння канстатавалі наяўнасць карупцыйных з'яваў як у мінулым, 2023-м годзе, так і сёлета. Аднак газета «Новополоцк сегодня», распавёўшы пра імпрэзу ў гарвыканкаме, ніякім чынам не канкрэтызуе, колькі карупцыйных злачынстваў зафіксавана, каго суды прызналі вінаватымі, якія спагнанні і пакаранні панеслі гэтыя людзі.
У Оршы абнавілі раённую «Дошку гонару». Але ад амбітнага праекта адмовіліся
Увосень 2023г. «Аршанская газета» пачала збіраць меркаванні гараджан пра тое, ці не хочуць яны, каб раённая «Дошка гонару» памяняла сваё месца знаходжанне. А заадно і дызайн. Аршанцам прапанавалі ацаніць праектныя выявы, на якіх раённая дошка гонару амаль што паўтарае абласную, усталяваную ў Віцебску на Плошчы Перамогі. Паводле падлікаў партала «Народныя Навіны Віцебска», гэтая канструкцыя абышлася гарадскому бюджэту Віцебска ў 67 тысяч даляраў па курсе 2020 года. Жыхары Оршы абурыліся, бо ў горадзе ёсць шмат праблем, на вырашэнне якіх бракуе фінансавання.
Віцебскія сілавікі пахваліліся, што выкрылі «экстрэмісцкае кубло» ў Глыбокім
На Telegram-канале "Северная столица", блізкім да віцебскіх сілавікоў, выйшлі два відэаролікі з затрыманнямі чатырох мужчын за так званыя «экстрэмісцкія» падпіскі. Таксама ў гэтых роліках выкарыстаны так званыя «пакаяльныя відэа», запісаныя міліцыянтамі. Адзін з затрыманых дадае, што меў на старонках у сацсетках не толькі падпіскі га «экстрэмісцкія інтэрнэт-рэсурсы, але і выяву бел-чырвона-белага сцяга.
У Віцебскім абласным судзе будуць разбіраць справу палітвязня
Жыхар Віцебска Дзмітрый Загалавец быў асуджаны 31 жніўня 2023г. Тады яго абвінавацілі за абразу Аляксандра Лукашэнкі (ч. 1 арт. 368 Крымінальнага Кодэкса), абразу прадстаўніка ўлады (арт. 369 КК), а таксама садзейнічанні экстрэмісцкай дзейнасці (ч.1 арт. 361-1 КК) і фінансаванні дзейнасці экстрэмісцкага фармавання (арт. 361-2 КК). Сёлета 11 ліпеня Віцебскі абласны суд будзе разглядаць справу, распачатую супраць Дзмітрыя Загалаўца «за фінансаванне экстрэмісцкай дзейнасці).
28 чэрвеня ў Варшаве памёр віцебскі праваабаронца Леанід Свецік
Смерць напаткала Леаніда на 60-м годзе жыцця ў Варшаве, прычынай стала даўняя хвароба, з якой ён актыўна змагаўся.
Вольгу Брыцікаву МУС уключыў у «спіс экстрэмістаў»
На сайце ведамства ў «Спісе грамадзян Беларусі, замежных грамадзян і асобаў без грамадзянства, схільных да экстрэмісцкай дзейнасці» з'явілася імя колішняй лідаркі незалежнага прафсаюза «Нафтана» Вольгі Брыцікавай. У спісе пазначана, што жанчына ўжо «адбывае пакаранне». Найхутчэй, яе ўжо накіравалі ў папраўчую калонію.
У Віцебскім рэгіёне злачынстваў у сферы высокіх тэхналогій становіцца пагрозліва многа
У 2023 годзе ў Віцебскай вобласці было зарэгістравана 1659 кіберзлачынстваў, прычым раскрыццё гэтага віду злачынстваў было менш за 10%. Судамі вобласці было разгледжана 122 крымінальныя справы, звязаныя з крадзяжом маёмасці шляхам мадыфікацыі камп'ютарнай інфармацыі (арт. 212 КК). У агульным аб'ёме ўсіх відаў злачынстваў практычна кожнае пятае ўчынена ў сферы высокіх тэхналогій і штогадовы прырост фіксуецца ў раёне 20-25 працэнтаў.
Намаганнямі ўладаў у Полацку быў закрыты спартыўны клуб
Суддзя Віцебскага абласнога суда Наталля Лях 26 чэрвеня пастанавіла пачаць ліквідацыю грамадскага аб'яднання "Спартыўны клуб "Полацк". Ініцыявала закрыццё арганізацыі Галоўнае ўпраўленне юстыцыі Віцебскага аблвыканкама.
У Оршы прайшоў прыём грамадзян... з неўцямнымі вынікамі
Апошнім часам у рэгіянальных СМІ вельмі часта апісваюцца прыёмы грамадзян дзяржаўнымі функцыянерамі рознага ўзроўню. Часам журналістам даводзіцца канстатаваць, што праблемы тых, хто звяртаецца па дапамогу, невырашальныя – нейперш праз адсутнасць грашовых сродкаў. Часам у газетных матэрыялах паўтараюцца абяцанні «разабрацца» і «вырашыць». «Аршанская газета» пайшла іншым шляхам: чытачам проста не паведамілі, чым скончыўся прыём грамадзян чальцом Савета Рэспублікі Барысам Ціхаміравым.
На Віцебшчыне зафіксавана 9 выпадкаў пакідання грашовых сродкаў у дакументах на мяжы
У сувязі з гэтым віцебская мытня вырашыла нагадаць грамадзянам правілы ў пунктах пропуску праз мяжу. Паводле звестак Віцебскай мытні, з пачатку 2024 года ў рэспубліканскіх пунктах пропуску Віцебскай мытні службовымі асобамі мытні было выяўлена 9 выпадкаў пакідання грашовых сродкаў у дакументах, якія прад'яўлялі грамадзяне для праверкі службовай асобе мытні.