Актывіст аргкамітэту па стварэньні партыі БХД Яўген Анішчанка падаваў заяўку на вулічную акцыю, каб абмеркаваць зь землякамі праблему «замарожанага» будоўлі новага корпусу шпіталя імя Сямашкі. Аднак ён нават не атрымаў адказу з выканкаму.

За час уладараньня цяперашняга кіраўніка дзяржавы шмат хто зь беларускіх грамадзян забыліся на такое сьвята, як Дзень Волі. Але штогод знаходзяцца асобы, якія ня толькі памятаюць пра дату абвяшчэньня Беларускай Народнай Рэспублікі ў 1918 годзе, але і нагадваюць пра сьвята 25 Сакавіка іншым.

Да Дня Волі незалежныя журналісты Віцебску зладзяць фотавыставу, прысьвечаную Барысу Хамайду, легендарнаму апазыцыйнаму актывісту, распаўсюдніку дэмакратычнай  прэсы. Арганізатары мерапрыемства мяркуюць, што прыемным сюрпрызам для іх фотагероя стане ўручэньне яму «гістарычных» фотаздымкаў 20-гадовай даўніны.

Шматпавярховы корпус шпіталя імя Сямашкі ператварыўся ў “даўгабуд”: яго ня тое што ня могуць здаць у эксплёатацыю – нават давесьці да завяршэньня будаўніцтва. Пікет з гэтай нагоды вырашылі правесьці актывісты аргкамітэту па стварэньні партыі БХД.