Праз раённую газету і яе сайт “Веснік Глыбоччыны” глыбоцкія ўлады справаздачацца, як у раёне вядуцца  работы ў адпаведнасці з дзяржаўнай праграмай "Дарогі Беларусі", распрацаванай на 2021-2025 гады. Сёлета сезон рамонтных работ работнікі ДРБУ-145 адкрылі ў сакавіку.

У абноўленым 16 траўня «Пераліку экстрэмісцкіх арганізацый, фармаванняў, індывідуальных прадпрымальнікаў, схільных да экстрэмісцкай дзейнасці», які складае МУС, з'явіліся новыя суб'екты. Гэта кааліцыі і ініцыятывы, утвораныя напярэдадні выбараў у каардынацыйную раду. У пераліку асобаў, якія ў іх уваходзяць, сустракаюцца прозвішчы жыхароў Віцебшчыны, якія былі вымушаны з'ехаць за мяжу пасля падзеяў 2020 г.

Навапалачанін скардзіўся ў КДБ на махінацыі ў сферы транспарту. У сваім звароце Андрэй П.  адзначыў, што працуе ў Віцебскаблаўтатранс філіял АТП 6 г. Наваполацка кіроўцам аўтобуса з ліпеня 2017 года. А ўжо праз год працы ён сутыкнуўся з тым, што на яго хацелі завесці крымінальную справу за продаж зэканомленага ім дызпаліва. Далей ён распавядае пра схему махінацый і сцвярджае, што такім жа чынам дзейнічаюць усе яго калегі, а гэта значыць прадаюць зэканомленае ім дызельнае паліва. Як падкрэслівае навапалачанін, у іх на працы так рабілі ўсе на момант яго звароту ў КДБ.

Суддзя Віцебскага абласнога суда Віктар Быстроў 15 траўня пастанавіў ліквідаваць наваполацкае Моладзевае грамадскае аб'яднанне «Спартыўна-сямейны клуб «Калінінец». Ініцыятарам знишчэння абъяднання стала Галоўнае ўпраўленне юстыцыі Вітаблвыканкама. Усяго ж зараз у Віцебскім рэгіёне афіцыйна дазволена дзейнасць ўсяго толькі 15-ці маладзёжным грамадскім аб'яднанням.