Прэзэнтацыю ў Віцебску свайго шостага раману “Ноч” Віктар Марціновіч пачаў з парады не набываць гэтую кніжку і пакінуць яе тым, хто сапраўды прагне. За “Ноччу” ў выніку ўтварылася салідная для Віцебску чарга. Не такая, як да менскай “Акадэмкнігі”, але вельмі прагная. Рэліз “Ночы” адбыўся 18 кастрычніка ў віцебскім “Бітлз-клюбе” пры падтрымцы кампаніі "Будзьма беларусамі!".

Вядомы беларускі пісьменьнік Уладзімер Арлоў наведаў 25 верасьня Віцебск, дзе прэзэнтаваў чытачам свае новыя кнігі – “Паручнік Пятровіч і прапаршчык Здань” і “Танцы над горадам”. Сустрэчы адбыліся ў Віцебскай абласной бібліятэцы і арт-пабе “Торвальд”.

Адукацыйныя курсы “Мова Нанова” адчынілі новы – пяты па ліку – сэзон у Віцебску. Арганізатары – Сяржук Маркаў, Тацяна Дубоўская, Іван Рагавой – абяцаюць, што ён будзе гарачы і пройдзе ў новым фармаце. Першыя заняткі былі прысьвечаныя мове мастацтва і сабралі больш за паўсотню віцяблян.

Чатыры папярэднія тамы “Дзёньнікаў і запісаў” Барадуліна былі выдадзеныя ў 2015-2017 гадох у выдавецтве “Кнігазбор” пры дапамозе Згуртаваньня беларусаў сьвету “Бацькаўшчына” і Саюзу пісьменьнікаў Беларусі. Каб выдаць пяты том, неабходна каля 3,5 тыс. рублёў.