Увогуле палітык сустракае ў зняволенні дзень народзінаў ужо чацьвёрты раз. 6 ліпеня 2021 года яго асудзілі да 14 гадоў пазбаўлення волі ў калоніі ва ўмовах узмоцненага рэжыму: у судзе Маскоўскага раёна Мінска яго прызналі вінаватым паводле арт. 235 Крымінальнага кодэкса (Легалізацыя ("адмыванне") сродкаў, атрыманых злачынным шляхам) і арт. 430 Крымінальнага кодэкса (Атрыманне хабару). Пакаранне палітзняволены адбывае ў Наваполацкай ПК №1.

Рашэннем адміністрацыі папраўчай калоніі № 9 (г. Горкі) праваабаронцу лаўрэата Нобелеўскай прэміі міру Алеся Бяляцкага змясцілі ў ПКТ. Што стала падставай ізаляцыі палітвязня і за якія парушэнні рэжыму адбыцця пакарання стане вядома, калі ўлады дазволяць яму сустрэцца з адвакатам. Пра гэта паведаміла ягоная жонка Наталля Пінчук падчас выступу на Сусветным форуме за дэмакратыю ў Страсбургу.

Беларускі палітвязень, актывіст польскай меншасці, які зараз адбывае пакаранне ў Новаполацкай калоніі №1 Анджэй Пачобут, стаў лаўрэатам польскай праваабарончай прэміі. 20-я цырымонія ўручэння прэміі імя Серджыа Віера ды Мелу — вярхоўнага камісара ААН па правах чалавека прайшла ў Кракаве.

Максім Пазнякоў, які знаходзіцца за мяжой і часова выконвае абавязкі старшыні Беларускага кангрэсу дэмакратычных прафсаюзаў (БКДП),  паведаміў падрабязнасці і апошнія навіны ад Васіля Бераснева, праваабаронцы з Воршы, прызнанага палітычным зняволеным.