Нагадаем, летась 30 красавіка ў Шумілінскім райсудзе суддзя Інна Грабоўская пакарала  пробашча мясцовага санктуарыя Маці Божай Фацімскай зяволеннем на  13 гадоў. Суд праходзіў у закрытым рэжыме, у чым канкрэтна абвінавацілі ксяндза Анджэя, якога першапачаткова затрымлівалі па «палітычных» матывах і спярша асудзілі да некалькіх адміністрацыйных арыштаў, было не вядома. З раскладу судовых паседжанняў вынікала, што яму інкрымінавалі тры крымінальныя артыкулы, якія тычацца палавых зносін з непаўналетнімі. Святар цалкам адмаўляў абвінавачванні і спрабаваў даказаць сваю невінаватасць.