Суд Чыгуначнага раёну Віцебску пакараў 16 студзеня яшчэ двух удзельнікаў пікету, які адбыўся ў Віцебску 29 сьнежня 2019 году. Натальля Трошчанка аштрафаваная на 24 базавыя велічыні, Юры Мазкоў – на 22 базавыя. Нагадаем, днём раней суд аштрафаваў на 25 базавых велічынь Алега Паўлава.

У Віцебску пачаліся суды над удзельнікамі сьнежаньскага пікету на плошчы Перамогі ў Віцебску. Справы пікетоўцаў, якія выказаліся ў падтрымку незалежнасьці краіны, разглядаюцца ў судзе Чыгуначнага раёну Віцебску. 15 студзеня штрафам пакаралі віцябляніна Алега Паўлава, справу яшчэ аднаго ўдзельніка акцыі – Аляксея Прохарава, накіравалі на дапрацоўку.

Блогера Дзьмітрыя Казлова (Шэры Кот) 13 студзеня зноў асудзілі на 15 сутак. На суд у Воршы яго прывозілі зь мясцовага ізалятара часовага ўтрыманьня (ІЧУ), дзе ён адбывае папярэднія пакараньні, паведамляе Беларускае Радыё РАЦЫЯ.

Суд Кастрычніцкага раёну Віцебску аштрафаваў віцябляніна Аляксандра Дуброўскіх на 30 базавых велічынь за ўдзел у акцыі супраць інтэграцыі з Расеяй, якая праходзіла ў Менску 20 сьнежня 2019 году. У якасьці адзінага доказу вінаватасьці віцябляніна міліцыянты прад’явілі ролік са стрыму «Радыё Свабода».

На віцяблянку Натальлю Сьпірыдонаву склалі адміністрацыйны пратакол за публікацыю ў Фэйсбуку анонса акцыі ў падтрымку незалежнасьці, якая адбылася ў Віцебску 29 сьнежня. Міліцыянты палічылі гэта заклікам да правядзеньня несанкцыянаванага масавага мерапрыемства (ч.1 арт. 23.34 КаАП).

У пяці ВНУ Віцебскай вобласьці на пачатак 2019/2020 навучальнага году вышэйшую адукацыю атрымліваюць 26 тысяч студэнтаў. За кошт бюджэтных сродкаў навучаецца 42,6% усіх студэнтаў, паведамляе галоўнае статыстычнае ўпраўленьне Віцебскай вобласьці.

У апошнім па часе лісьце да віцебскіх праваабаронцаў палітвязень Міхаіл Жамчужны выказвае меркаваньне, што грамадзтва губляе цікавасьць да яго. Моцная плынь карэспандэнцыі, якую атрымліваў годам раней, ператварылася ў рэдкія лісты. Жамчужны зьвязвае гэта з электаральнай кампаніяй, якая праходзіла ў Беларусі.

Судзьдзя Дубровенскага райсуду Марыя Цыклінская аштрафавала 10 студзеня мясцовую актывістку партыі «Народная Грамада» Натальлю Стрэльчанку на 25 базавых велічынь (675 рублёў) – за ўдзел у менскіх акцыях за незалежнасьць. Яна прызнаная вінаватай у правапарушэньні паводле ч.1 арт.23.34 КаАП.

Акцыя ў падтрымку незалежнасьці Беларусі адбылася ў Віцебску 29 сьнежня 2019 году. Цяпер на ўдзельнікаў пікету складаюць адміністрацыйныя пратаколы паводле арт. 23.34 (парушэньне парадку арганізацыі альбо правядзеньня масавых мерапрыемстваў). Даты некалькіх судоў ужо вядомыя.

Блогер Дзьмітрый Казлоў, вядомы як «Шэры Кот», адбыў ужо 15 сутак у аршанскім ІЧУ, але 9 студзеня на волю так і ня выйшаў. Паводле інфармацыі, якую атрымалі актывісты «Эўрапейскай Беларусі», за блогерам лічыцца яшчэ адна пастанова аб арышце.