Жыхары вакольных вёсак Вайшкуны і Станчыкі выступаюць супраць будаўніцтва, якое прынясе шкоду возеру. Але ні праваслаўная парафія райцэнтру Паставы, ні менскі фундатар, ні мясцовыя ўлады не захацелі слухаць іхных аргумэнтаў.

Гледачы канцэрту, прысьвечанага 85-м угодкам Уладзімера Караткевіча, магчыма, нічога і не заўважылі. Бо да самага пачатку іх не пускалі ў залю, пакуль мянялі афармленьне сцэны, адмыслова зробленае да юбілею пісьменьніка-земляка.

Пікеты, заяўкі на правядзеньне якіх Павал Левінаў падаваў у адміністрацыі Чыгуначнага і Першамайскага раёнаў Віцебску, мусілі прайсьці 10 сьнежня, у Міжнародны дзень правоў чалавека. Улады забаранілі іх, нягледзячы на тое, што працягласьць кожнай зь дзьвюх акцыяў, у адпаведнасьці з заяўкамі, складала б толькі... адну сэкунду.

Праваабаронца Валер Місьнікаў ня змог дамагчыся ад дзяржавы справядлівай аплаты за спажытую энэргію для дачнікаў, якія пражываюць па-за горадам падчас дачнага сэзону.

26 лістапада беларусы адсьвяткавалі 85-я ўгодкі з дня народзін пісьменьніка Ўладзімера Караткевіча. Кожны, хто прыгадаў чарговую гадавіну, адзначаў яе па-свойму, але той пашаны і ўдзячнасьці, якой заслугоўвае Ўладзімер Сямёнавіч, ягоныя сваякі і прыхільнікі так і не дачакаліся.

Жыхарам Воршы, якія прасілі аднавіць абвяшчэньне прыпынкаў у аўтобусах на беларускай мове, кіраўніцтва аўтапарку даслала адказ. Сэнс адказу такі: «Беларускамоўныя абвесткі – ня наш клопат».

На полацкам вытворчым аб’яднаньні “Полацак-Шкловалакно” ствараецца адзіная прафсаюзная камісія для падпісаньня калектыўнай дамовы з адміністрацыяй. Чальцы суполкі Свабоднага прафсаюзу, якая дзейнічае на прадпрыемстве, ужо вызначыліся з асобай, якая будзе іх прадстаўляць у гэтай камісіі.

20 лістапада ў Воршы адбыўся паказ фільму «Шэсьць аргумэнтаў супраць сьмяротнага пакараньня», прэзэнтацыя кнігі «Сьмяротнае пакараньне ў Беларусі» і дыскусія на тэму «Сьмяротнае пакараньне – гэта забойства».

Мерапрыемства прайшло з удзелам каардынатара кампаніі «Праваабаронцы супраць сьмяротнага пакараньня» Андрэя Палуды, рэжысэра фільму Віктара Трацякова і ўкладальніцы кнігі – Паліны Сьцепаненкі.

Андрэй Палуда адзначыў: «Дыскусія прайшла на фоне вынясеньня новага сьмяротнага прысуду: у гэты дзень у Гародні вынесены прысуд Івану Куляшу. Дыскусія была вельмі гарачая. Падчас такіх сустрэчаў часта высьвятляецца, што некаторыя людзі папросту ня ведаюць, што сьмяротнае пакараньне існуе ў Беларусі. Падчас сустрэчы ў Воршы было шмат спрэчак, і гэта яшчэ адзін паказчык важнасьці тэмы. Такія сустрэчы ў рэгіёнах надзвычай цікавыя. На іх прыходзяць самыя розныя людзі – рознага ўзросту. Адчуваецца, што людзям часта не хапае інфармацыі па такой тэме, як сьмяротнае пакараньне».

Дыскусія адбылася ў межах ініцыятывы «Мы аршанцы, мы беларусы».

Крыніца: Радыё Рацыя 

Восеньскі прызыў ва Ўзброеныя Сілы Рэспублікі Беларусь у самым разгары. Менавіта ўвосень прызываецца дзьве траціны беларускіх маладзёнаў, апошнія зь якіх 30 лістапада мусяць трапіць у вайсковыя часткі.

Аддзел міліцыі Віцебскага раёну пастанавіў адмовіць актывісту партыі КХП БНФ Яну Дзяржаўцаву ў распачынаньні крымінальнай справы па факце зьнікненьня пяці крыжоў, усталяваных у лесе паблізу вёскі Хайсы на меркаваным месцы расстрэлаў грамадзян падчас палітычных рэпрэсіяў у 30-х - 40-х гадох мінулага стагодзьдзя.