18 верасня ў Ірыны дзень нараджэння. І якраз у гэты дзень на Telegram-канале «Северная століцы» з'явіўся абраззлівы допіс пра праваабаронцу. Выглядае, што праца Ірыны Траццяковай не засталася незаўважанай, раз аўтары Telegram-канала вырашылі скарыстацца самымі бруднымі метадамі. У допісе жанчыну ўпікнулі тым, што яна ратуе жыццё сваёй мамы, збіраючы для яе грошы на аперацыю на сэрцы.

Ірына Траццякова звярнулася да ўсіх неабыякавых людзей з просьбай дапамагчы сабараць сродкі на аперацыю, якую яе маці пагадзіліся зрабіць у нямецкай клініцы. Аперацыю трэба рабіць як мага хутчэй, а ў Беларусі «на такую аперацыю вялікая чарга, і маці да яе можа проста не дажыць», піша Ірына. Аўтары абразлівага допісу вырашылі скампраметаваць памкненне жанчыны ўратаваць жыццё самага дарагога чалавека.

У параўнанні з гэтым усе астатнія спробы дыскрэдытаваць праваабаронцу выглядаюць болей смешна, чым крыўдна. Ірыну Траццякову ўпікаюць тым, што ёй «удалось на волне хайпа 2020 года и под струёй «революции» сделать из себя «жертву режима». І тым, што яна мусіла пакінуць Беларусь пад пагрозай крымінальнага пераследу. Маўляў, «находясь в Европе, Ирина Сергеевна вместе с Павлом Исааковичем живут на широкую ногу», бо з'яўляюцца «членами экстремистской «правозащитной» организации».

Такім чынам, «рыкашэтам» ад віцебскіх сілавікоў-прапагандыстаў дасталося і яшчэ аднаму віцебскаму праваабаронцу – Паўлу Левінаву.

Андрэй Купрэй

Пасля хвалі ператрусаў 16 лютага 2021 года, калі сілавікі ўрываліся да праваабаронцаў, журналістаў і грамадскіх актывістаў, Ірына Траццякова была вымушана пакінуць Беларусь. На радзіме супраць яе распачалі крымінальную справу паводле ч.2 арт. 342 КК (арганізацыя і падрыхтоўка дзеянняў, якія груба парушаюць грамадскі парадак). Цяпер праваабаронца знаходзіцца за мяжой, але і тут не спыняе свае працы – кансультуе тых, хто стаў ахвярай рэпрэсій, дапамагае пацярпелым ад пераследу знайсці прытулак і абарону ў краінах Еўразвязу. Але сёння сама Ірына апынулася ў сітуацыі, калі вымушана прасіць дапамогі.