Віцебскае ТБМ прапануе ўвесьці анкетаваньне бацькоў наконт мовы навучаньня ў школах
Прапанова ўвесьці абавязковае анкетаваньне бацькоў будучых першаклясьнікаў для вызначэньня мовы навучаньня іх дзяцей прагучала 5 сакавіка на сходзе Віцебскай гарадзкой арганізацыі «Таварыства беларускай мовы імя Францішка Скарыны» (ТБМ). З гэтай прапановай сябры арганізацыі зьвернуцца ў гарадзкі аддзел адукацыі.
ФК “Віцебск”: Любім Беларусь, але будзем карыстацца расейскай мовай
Таварыства беларускай мовы прасіла ФК “Віцебск” напісаць прозьвішчы гульцоў на футболках па-беларуску. Кіраўніцтва каманды прапанову ТБМ не падтрымала. Чаму? Такое пытаньне падчас сустрэчы з заўзятарамі перад пачаткам новага сэзону задаў кіраўнікам “Віцебску” адзін з даўнейшых прыхільнікаў клюбу.
“Незалежнасьць – гэта…” У Віцебску напісалі агульнанацыянальную дыктоўку – фота
Больш за 70 віцяблян у Міжнародны дзень матчынай мовы напісалі агульнанацыянальную дыктоўку. У якасьці тэксту для дыктоўкі сёлета выбралі ўрывак зь вядомага эсэ Уладзімера Арлова “Незалежнасьць – гэта…”
Кіраўнікі Ўнівэрсытэту Ніла Гілевіча сустрэліся зь віцебскай грамадзкасьцю
6 лютага ў віцебскім арт-пабе «Торвальд» адбылася сустрэча рэктара Ўнівэрсытэту імя Ніла Гілевіча Алега Трусава і прарэктара Паўла Церашковіча зь мясцовай грамадзкасьцю. Гаворка ішла пра стварэньне першага цалкам беларускамоўнага ўнівэрсытэту і выдавецкія навінкі.
Агучваць прыпынкі па-беларуску? Аршанскі аўтапарк выказаў гатоўнасьць да супрацы
Пад электроннай пэтыцыяй з патрабаваньнем агучваць прыпынкі ў грамадзкім транспарце Воршы на беларускай мове падпісалася больш за 400 чалавек. Аршанскі райвыканкам у адказ на зварот паведаміў, што аўтапарк гатовы супрацоўнічаць па гэтым пытаньні і чакае ад актывістаў ужо гатовых аўдыёфайлаў.
Аблвыканкам: Адкрыцьцё беларускамоўнай школы ў Віцебску? Ёсьць разуменьне, што гэта трэба рабіць
Начальнік упраўленьня адукацыі Віцебскага аблвыканкаму Дзьмітры Хома паведаміў “Віцебскай вясьне”, што кіраўніцтва вобласьці падтрымала ідэю стварэньня ў горадзе школы з беларускай мовай навучаньня. Але дзе і калі яна будзе адчыненая – пакуль невядома. “Яшчэ рана казаць пра канкрэтныя даты”, – гаворыць.
Віцебчукі зьбіраюць подпісы за перайменаваньне “ленінкі” ў бібліятэку імя Францішка Скарыны
На інтэрнэт-пляцоўцы “Зручны горад” 1 красавіка пачаўся збор подпісаў за перайменаваньне Віцебскай абласной бібліятэкі імя Леніна ў бібліятэку імя Францішка Скарыны.
Віцябляне ў Дзень матчынай мовы напісалі агульнанацыянальную дыктоўку
У Віцебску 21 лютага, у Міжнародны дзень роднай мовы, каля паўсотні чалавек напісалі Агульнанацыянальную дыктоўку. Імпрэза адбылася ў Віцебскай абласной бібліятэцы і ладзілася ў маштабах усёй краіны ў 11-ты раз. Для напісаньня быў прапанаваны тэкст Янкі Скрыгана “Вясковая раніца” – усе справіліся “на выдатна”.
Дэпутатка Палаты прадстаўнікоў з Полацку перашкодзіла прыняцьцю закону на дзьвюх мовах
Дагэтуль усе законы прымаліся толькі на адной зь дзяржаўных моваў, прычым толькі адзінкі зь іх на беларускай. Спроба зьмяніць такую заганную практыку правалілася: старшыня парлямэнцкай камісіі па заканадаўстве Натальля Гуйвік з Полацку «зарэзала» першы дзьвюхмоўны закон.
Старшыня абласной філіі ТБМ: Ёсьць надзея, што ў 2018 годзе ў Віцебску зьявяцца беларускамоўныя клясы
29 кастрычніка мае адбыцца XIII зьезд Таварыства беларускай мовы імя Францішка Скарыны. За месяц да падзеі мы пагутарылі са старшынём Віцебскай абласной філіі ТБМ Юрасём Бабічам. Наш суразмоўца расказаў пра тое, ці ёсьць якія зрухі ў справе перайменаваньня абласной бібліятэкі і ці адкрыюцца калі ў Віцебску беларускамоўныя клясы.