Артыкул, які з’явіўся ў раённай газеце «Зара», прысвечаны як маральна-этычнай праблематыцы, так і непасрэдным тлумачэнням, якое пакаранне прадугледжвае беларускае заканадаўства за абразу службовых асобаў, прадстаўнікоў улады і прэзідэнта Рэспублікі Беларусь. Пра ўсё гэта чытачам распавёў Уладзімір Барсукоў, намеснік начальніка РАУС па ідэалагічнай рабоце і кадравым забеспячэнні. Мяркуючы па ўступе і заключэнні артыкула, мясцовыя жыхары істотна незадаволены працай дзяржаўных службоўцаў, і часта не хаваюць гэтага незадавальнення, выказваючы яго асабіста або ў інтэрнэт-прасторы.

Адказнасць за перасячэнне чыгуначных шляхоў ва неўстаноўленым месцы тлумачыць жыхарам Мёршчыны праз мясцовую раёнку малодшы ўчастковы інспектар мёрскай міліцыі Аляксандр Гродзь.

На дадзены момант у Браслаўскім раёне ўзбуджана звыш 1 200 выканаўчых спраў, якія датычацца патрабаванняў аб спагнанні запазычанасці на карысць фізічных і юрыдычных асоб, аліментаў на непаўналетніх, расходаў на ўтрыманне дзяцей, якія знаходзяцца на дзяржаўным забеспячэнні ды іншае. Паводле судовай выканаўцы ВПІ Браслаўскага раёна Жаны Шылін, пастанова аб узбуджэнні выканаўчай справы не пазней за дзень, які ідзе за днём яго вынясення, накіроўваецца бакам - даўжніку і спагнанніку. Яна можа быць накіравана з дапамогай заказной, электроннай, гібрыднай пошты, а таксама СМДА. Акрамя таго, пасля ўзбуджэння выканаўчай справы на зарэгістраваны за даўжніком абанеменцкі нумар накіроўваецца СМС-паведамленне аб факце ўзбуджэння выканаўчай справы.

На Пастаўшчыне райвыканкам вызначыў чатыры месцы масавага адпачынку грамадзян, дзе дазволена купацца. Гэта пляжы ракі Мядзелкі ў гарадскім парку, азёр Задзеўскае з боку вуліцы Зялёнай у Паставах, Белае з боку СТК “Азёркі” і Дубок. І там зараз рэгулярна праз 2 гадзіны з’яўляюцца міліцыянты. А калі паветра прагрэецца да 28 градусаў цяпла, то міліцыянты будуць знаходзіцца на пляжах пастаянна.

У конкурсе ўзялі ўдзел 50 работ, выкананых у розных тэхніках. Абавязковай умова было, каб пры малюнку была тлумачальная запіска наконт задумкі аўтара. Пераможцам конкурсу стаў 11-гадовы віцебскі школьнік Кірыл Нікалаеў, які даслаў некалькі сваіх мастацкіх твораў, і адзін з іх прызнаны найлепшым.

Стварэнне вайскова-патрыятычных клубаў у беларускіх установах адукацыі ўжо даўно перастала быць навіной. Але «МаршБрасОК» - выключэнне ў шэрагу падобных аб“яднанняў: гэты клуб для падлеткаў быў створаны па ініцыятыве раённай міліцыі. Першымі выхаванцамі сталі 12 васьмікласнікаў «з актыўнай грамадзянскай пазіцыяй», гаворыцца на сайце МУС Віцебскага аблвыканкама. Начальнік Браслаўскага РАУС Аляксандр Мядзёлка падкрэсліў, што клуб будзе цесна ўзаемадзейнічаць з райаддзелам міліцыі, а ў кіраўніцтва гімназіі з“явіліся спадзевы, што заняткі ў клубе дапамогуць вызначыцца з абраннем прафесіі.

Праз раённую газету «Патрыет» начальнік аддзялення аховы правапарадку і прафілактыкі Вушацкага РАУС Аляксей Антуновіч нагадвае чытачам, што крымінальную адказнасць цягне за сабой падпіска на экстрэмісцкія каналы і чаты, якія маюць статус экстрэмісцкага фарміравання. Санкцыя адпаведнага артыкула (361-1) КК прадугледжвае да сямі гадоў пазбаўлення волі. Таму супрацоўнік МУС раіць перагледзець свае падпіскі і выдаліць «ненадзейныя». І хаця ў пачатку артыкула жыхароў Вушаччыны страшаць і адміністрацыйнымі пакараннямі з падпіску на каналы з экстрэмісцкімі матэрыяламі, спадар Антуновіч ніжэй тлумачыць, што толькі за падпіску «пакуль не караюць».

Напрыканцы гэтага тыдня ў віцебскім дзіцячым садку №105 правялі імпрэзу да 23-га лютага. Можна спрачацца пра гістарычны сэнс свята, якое ўкаранілі ў Беларусі як спадчыну савецкіх часоў, але дагэтуль трывала прасочвалася сувязь панятку «абаронцы Айчыны» з прадстаўнікамі вайсковых структур. З гэтым святам звычайна віншавалі і кадравых вайскоўцаў, і салдат тэрміновай службы, і ўрэшце ўсіх прадстаўнікоў «моцнай паловы» насельніцтва – хай сабе нават яны ніколі не праходзілі нават тэрміновай службы. Аднак у дзіцячы садок у якасці жывога ўвасаблення «абаронцаў Айчыны» сёлета запрасілі не вайскоўцаў, а супрацоўнікаў МУС.

Міліцыянтаў турбуе, што падчас «Славянскага базару» ці іншых афіцыйных мерапрыемстваў нехта з віцяблянаў арганізуе сваё – несанкцыянаванае. З гэтай мэтай будзе арганізавана назіранне з дапамогай квадракоптараў, якія неўзабаве з’явяцца ў арсенале супрацоўнікаў. Плануецца таксама павялічыць колькасць камер відэаназірання на цэнтральных вуліцах Віцебску. Між тым у рэгіёне няўхільна расце колькасць злачынстваў зусім іншага кшталту, выкрыццю якіх квадракоптары аніяк не дапамогуць.

У Глыбоцкім аддзеле Дэпартамента аховы 7 лютага адбылося так званае адкрыццё Тыдня добраахвотных дружын і моладзевага атрада аховы правапарадку. Семінар-нараду ўзначальвалі начальнік аддзела ўнутраных спраў Глыбоцкага райвыканкама Сяргей Стэльмах, які, дарэчы, не так даўно быў прызначаны на гэтую пасаду.