Юныя «міратворцы» Віцебшчыны будуць вучыцца кідаць гранаты і шукаць міны
Такая праграма анансаваная для абласнога злёту прадстаўнікоў «Школ міру», які пройдзе ў райцэнтры Гарадок з удзелам дзевяці каманд. Удзельнікаў прыме сярэдняя школа №1 імя Баграмяна – адна са «школ міру» у Віцебскай вобласці, а таксама вайсковая частка 94017 у вёсцы Прудок. Там мае адбыцца «вайскова-патрыятычная гульня «Гарадоцкі рубеж-2022», падчас якой «міратворцы» возьмуць удзел у спаборніцтвах па кіданні гранаты, праходзіць «умоўна заражаную зону», збіраць аўтамат Калашнікава, размініраваць мясцовасць і транспартаваць «параненага»…
У Гарадку новыя аўтобусы сталі праблемай для людзей ва ўзросце і з абмежаванымі магчымасцямі
Нядаўна для райцэнтра Гарадок былі набытыя 4 мікрааўтобусы МАЗ. Аднак яны аказаліся абсалютна непрыдатныя для паездак па 2-х мясцовых аўтобусных маршрутах. Нязручнасці стварае тая акалічнасць, што дзверы ў гэтай мадэлі аўтатранспарту адчыняюцца ўручную. Гэта вымагае дадатковага часу і збівае распрацаваны расклад. Да таго ж, у гэтых аўтобусах не прадугледжаны поручні, а падлога мае высокі выступ, што стварае неадольныя перашкоды для пасажыраў сталага веку, не кажучы ўжо пра асобаў з абмежаванымі магчымасцямі.
Ігар Банцэр – на свабодзе: «Адчуваю сябе зараз звестуном апакаліпсісу»
17 снежня з папраўчай установы адкрытага тыпу (ПУАТ) №9 выйшаў на свабоду гарадзенскі музыка і актывіст Ігар Банцэр. Апошнія дні перад вызваленнем ён правёў у штрафным ізалятары ў Гарадку. Знаходзячыся ў зняволенні, Банцэр некалькі разоў абвяшчаў галадоўкі. «На жаль, не магу сфармуляваць гэта такім чынам, што я зараз на волі», – сказаў па вызваленні Ігар Банцэр.
Паўтары гады – за «вырадка». За што ў Гарадку асудзілі рабочага Мікалая Чарняўскага
15 снежня суд Гарадоцкага раёну прысудзіў 33-гадоваму Мікалаю Чарняўскаму паўтары гады калоніі агульнага рэжыму за пагрозы і абразу супрацоўніка МУС. Мужчына быў прызнаны вінаватым паводле арт. 369 КК («Абраза прадстаўніка ўлады») і арт. 365 КК («Умяшанне ў дзейнасць супрацоўніка ўнутраных спраў»). Вырак агучыў суддзя Аляксандр Ляшковіч.
Актывіст Леанід Аўтухоў выйшаў на волю пасьля 10 сутак адміністрацыйнага арышту
Рашэньнем Гарадоцкага раённага суду Леанід Аўтухоў быў асуджаны на дзесяць сутак адміністрацыйнага арышту. Актывіст быў абвінавачаны ў дробным хуліганстве (ч.1, арт.17.2 КаАП) за спробу даведацца пра вынікі галасаваньня ў раённай выбарчай камісіі. 20 жніўня ён быў вызвалены.
«У мяне скралі прэзыдэнта». Жыхарку Гарадку будуць судзіць за фота ў Instagram
24 ліпеня на жыхарку Гарадку міліцыянты склалі пратакол за тое, што яна разьмясьціла ў Instagram-stories фотаздымак, на якім трымае аркуш з надпісам «У мяне скралі прэзыдэнта». Жанчыну вінавацяць у правядзеньні несанкцыянаванага пікетаваньня (ч.1 арт. 23.34 КаАП).
Пераможцам праймэрыз у Гарадку стаў Юрась Губарэвіч – за яго прагаласавалі 4 чалавекі
Увечары 6 сакавіка ў Гарадку стартавала кампанія абраньня адзінага кандыдата ад аб’яднанай апазыцыі шляхам народнага галасаваньня для ўдзелу ў выбарах прэзыдэнта. У выніку галасаваньня найбольшую колькасьць галасоў набраў Юрась Губарэвіч – за яго прагаласавалі 4 выбарцы…
«Замахнулася нажом на судовых выканаўцаў». Жанчыну прысудзілі да псыхушкі
Суд Гарадоцкага раёну прысудзіў 42-гадовую Алену Емяльянаву да прымусовага лячэньня ў псыхіятрычным стацыянары. Паводле пастановы, яна «замахнулася нажом на службовых асобаў», перашкодзіўшы ім выконваць свае абавязкі (ч.1 арт. 366 КК). Жанчына ня згодная з такім рашэньнем, але да ўдзелу ў судзе яе проста не дапусьцілі…
Гарадоцкаму апазыцыянэру не даюць прыехаць у Віцебск на Дзень Волі – выклікаюць у нядзелю ў мясцовы РАУС
Сябра партыі БНФ Леанід Аўтухоў атрымаў пад подпіс позву, што мусіць прыйсьці ў Гарадоцкі раённы аддзел унутраных справаў к 11:00 у нядзелю, 25 сакавіка. А пакуль, паводле ягоных словаў, за ім наладжаная сочка, якая трывае ўжо некалькі дзён запар. На думку апазыцыянэра, такім спосабам праваахоўнікі намагаюцца, каб ён ня змог прыехаць у абласны цэнтар на сьвяткаваньне 100-годзьдзя абвяшчэньня незалежнасьці БНР.
«Я і ІЧУ. Асабісты погляд». Частка 7: Віцебск, Леанід Аўтухоў
Героем нашага чарговага матэрыялу пра ўмовы ўтрыманьня ў ізалятарах часовага ўтрыманьня Віцебскай вобласьці стаў актывіст партыі БНФ з Гарадка Леанід Аўтухоў. Апазыцыянэр браў актыўны ўдзел у сьвяткаваньні Дня Волі ў абласным цэнтры 25 сакавіка, за што быў пакараны 15-цю суткамі адміністрацыйнага арышту паводле артыкулу 23.34 КаАП (парушэньне парадку арганізацыі ці правядзеньня масавага мерапрыемства).