Журналіст Ўладзімер Жыгулоў атрымаў папярэджаньне за супрацоўніцтва зь «Віцебскім кур’ерам»
3 верасьня незалежнаму журналісту ў Віцебскай абласной пракуратуры вынесьлі афіцыйнае папярэджаньне за супрацоўніцтва без акрэдытацыі з выданьнем, не зарэгістраваным на тэрыторыі Рэспублікі Беларусь. Уладзімер Жыгулоў адмовіўся даваць пракурору Паўлу Зайцаву тлумачэньні, спаслаўшыся на права ня сьведчыць супраць сябе, гарантаванае арт. 27 Канстытуцыі.
Сумесная заява Беларускага Хэльсынскага Камітэту і ПЦ «Вясна» з нагоды прымусовай шпіталізацыі Ігара Пастнова
РПГА «Беларускі Хэльсынскі Камітэт» і Праваабарончы цэнтар «Вясна» занепакоеныя прымусовай шпіталізацыяй Ігара Пастнова. 21 жніўня 2013 г. суд Віцебскага раёну Віцебскай вобласьці ў закрытым паседжаньні задаволіў заяву Віцебскага абласнога клінічнага цэнтру псыхіятрыі і наркалёгіі аб прымусовай шпіталізацыі і лячэньні Ігара Пастнова.
Эўрадэпутат патрабуе падтрымаць доктара Пастнова
Эўрадэпутат Марэк Мігальскі зьвярнуўся ў Эўракамісіію, а таксама да міністра аховы здароў’я Польшчы Барташа Арлуковіча ў справе беларускага лекара Ігара Пастнова. Мігальскі заклікаў заступіцца за лекара, які за крытыку беларускіх уладаў быў прымусова зьмешчаны ў псыхіятрычную лякарню, паведаміла памочніца дэпутата Мігальскага Ганна Бяляс:
Віцебскія актывісты падалі заяўкі на акцыі салідарнасьці з доктарам Пастновым
Заяўку ў аблвыканкам на шэсьце і мітынг 28 верасьня падпісалі каардынатар руху “За свабоду” па Віцебскай вобласьці Хрыстафор Жаляпаў і сябар аргкамітэту па стварэньні сацыял-дэмакратычнай партыі “Народная Грамада” Аляксей Гаўруцікаў. Шэсьце арганізатары хацелі б распачаць з плошчы Свабоды і праз цэнтар гораду дайсьці да Парку культуры і адпачынку чыгуначнікаў ды правесьці там мітынг.
Віцебская вобласьць - сярод лідэраў па прыпісках
Беларусь упэўнена праваліла паказчыкі вытворчасьці малака за першае паўгодзьдзе гэтага году. Асабліва рэзка зьнізіўся паказчык таварнасьці малака. У статыстыцы ён ілюструе тую частку ад надоенага малака (у працэнтах), якая даходзіць да перапрацоўчых прадпрыемстваў.
Amnesty International заклікае падтрымаць Ігара Пастнова
Міжнародная праваабарончая арганізацыя распаўсюдзіла паведамленьне з заклікам дамагацца вызваленьня віцебскага лекара Ігара Пастнова, зьмешчанага ў Віцебскі абласны псыхіятрычны шпіталь на прымусовае лячэньне пасьля шэрагу крытычных выступаў у інтэрнэце і СМІ. У паведамленьні Amnesty International гаворыцца, што Ігар Пастноў — псыхіятар зь Віцебскага абласнога клінічнага цэнтру псыхіятрыі і наркалёгіі — цягам апошніх паўтара гадоў неаднаразова крытыкаваў на YouTube палітыку ўраду й гарадзкую сыстэму аховы здароўя.
Прафсаюз РЭП рыхтуецца да пікету
Прававы інспэктар прафсаюзу работнікаў радыёэлектроннай прамысловасьці па Віцебскай вобласьці Валер Місьнікаў накіраваў у адміністрацыю Чыгуначнага раёну абласнога цэнтру заяўку на правядзеньня пікету. У ёй возьме удзел адзін чалавек. Акцыя павінна адбыцца 8 верасьня ў Парку культуры і адпачынку чыгуначнікаў – месцы, адмыслова вызначаным уладамі для правядзеньня масавых мерапрыемстваў.
Пасьля заявы Amnesty International умовы ўтрыманьня доктара Пастнова ў вар’ятні палепшыліся
Віцебскія праваабаронцы Павал Левінаў і Пётар Іваноў, якім 29 жніўня дазволілі сустрэцца з доктарам Ігарам Пастновым ў Віцебскім абласным клінічным цэнтры псыхіятрыі і наркалёгіі паведамілі, што ўмовы яго ўтрыманьня ў гэтай лячэбнай установе палепшыліся. Цяпер Ігару Пастнову дазволена весьці ліставаньне; дасылаць і атрымліваць тэлеграмы, лісты, грашовыя пераказы, пасылкі і бандэролі; атрымліваць перадачы; карыстацца тэлефонам; прымаць наведвальнікаў; мець і атрымліваць прадметы першай неабходнасьці; карыстацца ўласным адзеньнем.
Віцебская апазыцыя зьбірае подпісы пад калектыўным лістом да пракурора
Прадстаўнікі руху “За свабоду”, прыхільнікі сацыял-дэмакратычнай партыі “Народная Грамада”, сябры Партыі БНФ і кампаніі “Гавары праўду” зьбіраюць подпісы пад калектыўным лістом да пракурора вобласьці Генадзя Дысько. Яны просяць вынесьці пратэст на рашэньне суду Віцебскага раёну, які санкцыянаваў прымусовае псыхіятрычнае лячэньне віцебскага ўрача Ігара Пастнова.
Ці распачне КДК адміністрацыйны працэс у адносінах да раённага начальніка АУС?
Часова выконваючы абавязкі начальніка УУС Віцебскага аблвыканкаму палкоўнік міліцыі Мікалай Данькоў паведаміў, што па звароце віцебскага праваабаронцы Паўла Левінава на «тэлефон даверу» МУС Рэспублікі Беларусь кіраўніцтвам унутраных спраў Віцебскага аблвыканкаму праведзеная праверка, па выніках якой начальніку аддзелу ўнутраных спраў адміністрацыі Кастрычніцкага раёну Віцебску падпалкоўніку міліцыі Шаховічу А.І. строга паказана на недапушчэньне надалей фактаў несвоечасовага пачатку правядзеньня асабістага прыёму грамадзян.