Уніяцкага святара з Полацку асудзілі на 15 сутак арышту
Аляксандра Шаўцова, настаяцеля грэка-каталіцкай парафіі Святога пакутніка Язафата, суд Полацку і Полацкага раёну прызнаў вінаватым за «распаўсюд экстрэмісцкай інфармацыі». Святара асудзілі паводле артыкула 19.11 КаАП за рэпосты матэрыялаў сайта "Хартыя-97" у сацыяльнай сетцы "ВКонтакте".
Дэпутат Палаты прадстаўнікоў Нацыянальнага сходу Ігар Мартынаў палохае жыхароў Чашніччыны міжнародным тэрарызмам
Раённая газета «Чырвоны прамень» узяла інтэрв“ю у намесніка старшыні Пастаяннай камісіі Палаты прадстаўнікоў па нацыянальнай бяспецы Ігара Мартынава. Спадар Мартынаў балатаваўся ў дэпутаты па Лепельскай выбарчай акрузе №23, у межы якой уваходзілі Лепельскі, Чашніцкі і Бешанковіцкі раёны. Таму чашніцкая «раёнка» распытала свайго дэпутата пра тое, «каму патрэбныя тэракты ў Беларусі». Гаворка вялася пра нядаўні фільм «Убойная посылка», паказаны на ОНТ.
Улады аб'явілі аб пачатку абласнога конкурсу для асемяніцеляў кароў і свінаматак
Віцебскі аблвыканкам 20 сакавіка аб'явіў рэгіянальны конкурс майстэрства сярод работнікаў па штучным асемяненні сельскагаспадарчых жывёл. Згодна з умовамі конкурсу ў запланаваным мерапрыемстве прымуць удзел 42 асемяніцелі кароў і свіней. Пераможцы конкурсу атрымаюць дыпломы і прэміі, а таксама званні "Лепшы аператар па штучнаму асемяненню буйной рагатай жывёлы" і "Лепшы аператар па штучнаму асемяненню свіней".
Дацэнта Полацкага дзяржуніверсітэту Галіну Захаркіну аштрафавалі амаль на тры тысячы рублёў
76-гадовую жанчыну затрымалі раніцай 25 траўня, паведаміў рэсурс @pozirkonline. Гарадскі суд Наваполацку прызнаў спадарыню вінаватай паводле двух артыкулаў – за несанкцыянаванае пікетаванне (арт.24.23 КаАП) і за «распаўсюд экстрэмісцкіх матэрыялаў» (арт. 19.11 КаАП). Яна аштрафаваная на 80 базавых велічынь (2960 рублёў).
Віцебскаму актывісту Уладзіміру Булаўскаму прысудзілі два гады зняволення ў калоніі
Судовы працэс праходзіў у Першамайскім райсудзе Віцебска. Суддзя Міхаіл Юрчанка прызнаў Булаўскага вінаватым у адпаведнасці з артыкулам 342-2 Крымінальнага Кодэксу (Неаднаразовае парушэнне парадку арганізацыі або правядзення масавых мерапрыемстваў). Бок абвінавачвання напярэдадні запрасіў для актывіста пакаранне ў выглядзе пазбаўлення волі на 2 з паловай гады ў калоніі ва ўмовах агульнага рэжыму. Суд вырашыў пакараць Булаўскага двума гадамі зняволення.
На Віцебшчыне затрымалі трох святароў
У грэка-каталіцкага святара Аляксандра Шаўцова правялі ператрус у межах крымінальнай справы "пра экстрэмізм" . Па гэтай самай справе сілавікі ладзяць ператрусы на Полаччыне ўжо трэці дзень запар. Сутнасць справы не вядомая, і найбольш падобна, што яна распачатая супраць неакрэсленай колькасці асобаў, каб мець падставы для неабмежаванай колькасці ператрусаў. У айца Аляксандра забралі з дому ўсю аргтэхніку.
Аршанскія ўлады прызналіся ў правалах мясцовай эканомікі з-за санкцый
Па вынікі за І квартал 2023 года па рабоце рэальнага сектара эканомікі ў Аршанскім раёне істотна пагоршыліся колькасныя і якасныя паказчыкі. Улады прызналіся, што з-за санкцыйнага ціску з боку заходніх урадаў практычна ў 2 разы зменшылася колькасць паставак у краіны Еўразвязу. Таксама з-за санкцый пачаліся перабоі ў пастаўках абсталявання, што надтачыла тэрміны мадэрнізацыю прамысловых прадпрыемстваў горада. У бягучым годзе, паводле самых аптымістычных ацэнак, дэфіцыт раённага бюджэту складзе 12, 2 млн. рублёў.
Ізноў затрыманні на «Нафтане»
Работнікаў найбуйнейшага наваполацкага прыдпрыемства Віктара Кавалеўскага, Вадзіма Уласава, Валерыя Леснікова і Юрыя Гайчанку затрымалі за «распаўсюд экстрэмізму» - за каментары, лайкі і падпіскі на так званыя экстрэмісцкія інтэрнэт- рэсурсы. Паводле спісу МУС, у пералік «экстрэмісцкіх» рэсурсаў унесены чатыры тэлеграм-каналы, створаныя па ініцыятыве работнікаў і прысвечаныя падзеям на «Нафтане», і старонка ў Instagram, прысвечаная працы страйкаму.
Сталі вядомыя наступствы ўчорашніх затрыманняў у Наваполацку: штрафы і «суткі»
Суддзя Наваполацкага гарадскога суду Зінаіда Балаболава пастанавіла пакараць некалькі чалавек па так званых «палітычных» адміністрацыйных справах. Не ўсе артыкулы, згодна з якімі людзей прызналі вінаватымі, вядомыя дакладна. Але «стаханаўская» праца Зінаіды Балаболавай уражвае: цягам усяго дня яна судзіла затрыманых учора навапалачанаў, у тым ліку супрацоўнікаў Полацкага дзяржаўнага ўніверстэта. Сярод асуджаных - 73-гадовая кандыдатка тэхнічных навукі, дацэнтка кафедры геадэзіі і геаінфармацыйных сістэм Галіна Шараглазава. Паводле судовай пастановы, жанчыне сталага веку давядзецца 10 сутак правесці за кратамі. Артыкул, паводле якога пакаралі спадарыню, пакуль не вядомы.
Грамадзяне патрабуюць расказаць праўду пра месцазнаходжанне і стан здароўя Віктара Бабарыка
Для гэтага на платформе "Зручны горад" была размешчана петыцыя № 5619, у якой грамадзяне звяртаюцца да кіраўніцтва пракуратуры Віцебскай вобласці і Дэпартамента выканання пакарання прадаставіць ім інфармацыю аб стане здароўя і месцазнаходжанні асуджанага Бабарыка Віктара Дзмітрыевіча. Цяпер калектыўны зварот падпісала 39 чалавек.