Прыхільніца «русского мира» Мірсалімава абяцае 9 траўня раздаваць георгіеўскія стужкі
Віцебская прарасейская актывістка запрашае гараджан далучыцца да акцыі «Бессмертный полк». Яе арганізатары паведамляюць, што віцябляне могуць прайсці з партрэтамі сваіх родных – удзельнікаў Вялікай Айчыннай вайны – у асобнай калоне падчас афіцыйнага гарадскога ўрачыстага шэсця. Эльвіру Мірсалімаву не задавальняе, што сімвалам свята перамогі падчас дзяржаўных імпрэзаў стала чырвона-зялёная бутаньерка з белай яблыневай кветкай, і таму яна анансавала раздачу георгіеўскіх стужак. Паведамляючы пра гэта ў сацыяльных сетках, жанчына усяляк падкрэслівае, што яе прынцыповая пазіцыя ў гэтым пытанні не супадае з пазіцыяй уладаў. Аднак і летась, і раней міліцыя нават увагі не звярнула на тое, што адбываецца нешта, што выходзіць за «ідэалагічныя межы» святкаванняў. Дарма параўноўваць, што сталася б з ахвотнымі раздаць у цэнтры Віцебску стужкі ў колерах беларускага нацыянальнага сцяга...
У віцебскім цэнтры бяспекі МНС школьнікам паказваюць, як «весці бой з фашыстамі»
У цэнтры бяспекі віцебскай структуры МНС стварылі экспазіцыю, прысвечаную генацыду беларускага народу, і абсталявалі пляцоўку віртуальнай рэальнасці для школьнікаў. Падлеткам прапануюць стаць абаронцамі «Полацкага рубяжу» - лініі ўмацаванняў, дзе нацысцкіх нападнікаў, якія планавалі бесперашкодны захоп Полацку, затрымалі на два тыдні. У горадзе, слаўным сваёй багатай на падзеі старажытнай гісторыяй, абралі для распрацоўкі праекта віртуальнай рэальнасці менавіта перыяд Вялікай Айчыннай вайны, і гэта ў цяперашніх ідэалагічных варунках мала каго дзівіць.
21 траўня — Дзень палітвязняў у Беларусі
У гэты дзень два гады таму ў шклоўскай калоніі №17 памёр палітвязень Вітольд Ашурак. Крымінальная справа па факце яго смерці да гэтага часу не ўзбуджаная, а сітуацыя з палітычнымі зняволенымі за гэты час значна пагоршылася. Летась тэмай Дня палітвязняў была жоўтая бірка — спецыяльная метка ў калоніях, пра якую ўпершыню ў лісце распавёў Вітольд.
У віцебскай калоніі «Віцьба-3» памёр палітзняволены блогер Мікалай Клімовіч
Палітвязень меў інваліднасць II групы па сэрцы. 61-гадовага блогера затрымалі сёлета 28 лютага ў Пінску - адразу пасля судовага пасяджэння, дзе яму прысудзілі 1 год калоніі за абразу Аляксандра Лукашэнкі - за сатырычны малюнак, які ён размясціў у сацыяльнай сетцы. Клімовіча прызналі вінаватым паводле арт. 368 Крымінальнага кодэксу.
Улады плануюць да канца 2023 года павялічыць выкарыстанне бытавых адходаў на 5%
Віцебскі абласны камітэт 29 студзеня прыняў рашэнне аб працягу экалагічнай праграмы "Мэта 99", у якой вызначыў колькасныя і якасныя паказчыкі і парадак яе фінансавання. Асноўнай мэтай праграмы – давесці, пры яе реалізацыі, збор другасных матэрыяльных рэсурсаў і іх перапрацоўку да 99%. Дзяржаўная праграма пачалася ў 2021 годзе і разлічана на пяць гадоў.
Міліцэйскія ўлады залічылі лідэра незалежных прафсаюзаў у "экстрэмісты"
Па стане на 05 мая ў "Спісе грамадзян Рэспублікі Беларусь, замежных грамадзян або асоб без грамадзянства, якія маюць дачыненне да экстрэмісцкай дзейнасці" значацца 66 жыхароў Віцебскай вобласці з 2770 спісачнага складу. Апошнім з паўночнай вобласці Беларусі ў яго быў залічаны кіраўнік незалежнага прафсаюза РЭП, 72-гадовы аршанец, палітвязень Васіль Бераснеў.
У Сянно за правядзенне пікету быў аштрафаваны вучань 11 класа. Але нешта пайшло не так
Суддзя суда Сенненскага раёна Іна Досава 31 сакавіка за правядзенне пікету ў інтэрнэце аштрафавала на 74 рублі непаўналетняга выпускніка Сярэдняй школы №2, сябра БРСМ, кандыдата ў майстры спорту па барацьбе ў грэка-рымскім стылі Сцяпана Падрэза. Аднак пастанова была прынята з грубым парушэннем дзейнага заканадаўства і была адменена Старшынёй Віцебскага абласнога суда. У хуткім часе адміністрацыйная справа Падрэза будзе разгледжана раённай камісіяй па справах непаўналетніх, як гэта патрабуе працэсуальны закон.
З пачатку года ў Віцебскім рэгіёне выяўлена і пакарана больш за 200 "экстрэмістаў"
За чатыры месяцы ў Віцебскай вобласці прайшло 225 судовых працэсаў, звязаных з прымяненнем ч. 2 арт. 19.11 КаАП РБ (Распаўсюджванне, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую дзейнасць). 210 адміністрацыйных спраў былі разгледжаны судамі першай інстанцыі і 15 спраў у Віцебскім абласным судзе ў выглядзе скарг на рашэнні раённых судоў. У студзені было вынесена 16 пастаноў, адпаведна ў лютым-29, сакавіку - 108 і ў красавіку - 72. Суддзя Наваполацка Зінаіда Балаболава прыняла 27 пастаноў і стала абсалютнай рэкардсменкай сярод суддзяў, якія пакаралі грамадзян арыштамі і штрафам за праяву "экстрэмізму".
За выяву ў сацыяльных сетках нацыянальнага сцяга і лайкі глыбачанка адседзела 10 сутак
Старшыня суда Глыбоцкага раёна Алена Кот 19 красавіка асудзіла глыбачанку Алу Арэхва на 10 сутак. Жанчыну, якая працуе прадаўцом-кансультантам, судзілі па двух артыкулах - ч. 2 артыкула 19.11 КаАП РБ (Распаўсюджванне, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую дзейнасць) і ч. 1 артыкула 24.23 КаАП РБ – парушэнне парадку арганізацыі ці правядзення масавых мерапрыемстваў.
У Віцебску за «здраду дзяржаве» судзяць былога начальніка службы паветранай разведкі
У Віцебскім абласным судзе праходзіць разгляд крымінальнай справы над былым вайскоўцам Валерыем Раманоўскім. Улады абвінавачваюць мужчыну ў здрадзе дзяржаве згодна арт. 356 Крымінальнага кодэкса краіны. Суд пачаўся 12 красавіка і працэс праходзіць пад старшынствам суддзі Яўгена Бурунова, які правёў тры закрытыя пасяджэнні.