За «распаўсюд экстрэмісцкіх матэрыялаў» судзяць выкладчыцу ВДТУ, дызайнерку Наталлю Тарабука
Апрача «сутак» або штрафа, прадугледжаных артыкулам 19.11 КаАП, асуджаным за «распаўсюд экстрэмізму» пагражае звальненне – калі яны займаюцца педагагічнай дзейнасцю. Праваабаронцам вядома ўжо пра некалькі дзясяткаў падобных выпадкаў на Віцебшчыне. Спадарыня Наталля ўжо ў пенсійным узросце, але працуе. Пастанову па адміністрацыйнай справе выкладчыцы ВНУ мае вынесці суд Першамайскага раёну Віцебска.
Улады Віцебскай вобласці ідэалагічна правальныя праекты палічылі найлепшымі
Чыноўнікі Галоўнага ўпраўлення ідэалагічнай працы і па справах моладзі Віцебскага аблвыканкама 28 красавіка падвялі вынікі штогадовага абласнога конкурсу сярод журналістаў і рэдакцый СМІ. У намінацыі ”Лепшы творчы праект у тэлевізійным, радыёвяшчальным СМІ“ адзначаны відэа праекты: “Па той бок змагання”, “Назаўжды”, “Дзіцячыя твары вайны”. Гэтыя ідэалагічныя прадукты вырабілі журналісты дзяржаўнага прадпрыемства "Наваполацкае кабельнае тэлебачанне "Вектар" для ваенна-патрыятычнага тэлеканала "Звязда", які мае 5,78 тыс. падпісчыкаў. Неабходна адзначыць, што гэтыя ідэалагічныя праекты аказаліся правальнымі, з пункту гледжання праглядальнасці.
Мёрскія ўлады заклікаюць выпускнікоў паступаць на сельскагаспадарчыя прафесіі
Упраўленне па сельскай гаспадарцы і харчаванні райвыканкама, прадпрыемствы і ўстановы аграпрамысловага комплексу Мёршчыны прапануюць выпускнікам заключыць дамовы аб мэтавай падрыхтоўцы спецыялістаў сельскагаспадарчых прафесій. Сёлета прыём дакументаў на такіх умовах у адпаведныя ВНУ пройдзе з 1 па 5 чэрвеня, экзамен – з 6 па 13 чэрвеня. Залічэнне адбудзецца па 16 чэрвеня. Бо, паводле мясцовых уладаў, Мёрскі раён мае патрэбу ў такіх спецыялістах.
Кіраўніцтва Дэпартамента выканання пакаранняў адмовілася сустрэцца са сваякамі палітзняволенага
Сёння сваякі Віктара Бабарыкі спрабавалі трапіць на прыём да кіраўніцтва Дэпартамента выканання пакаранняў МУС, паведамляе штаб Бабарыкі.
У Глыбокім да свята 1 траўня выцягнулі бюст Леніна ды іншую даўніну, пакрытую пылам
У Глыбоцкім гарадскім Доме культуры прайшло мерапрыемства, прысвечанае Святу працы, якое адзначаецца ў Беларусі 1 траўня.
Палітзняволеных праваабаронцаў «Вясны» этапавалі ў калоніі
Стала вядома, што Алеся Бяляцкага этапавал ў папраўчую калонію №9 у Горках, Валянціна Стэфановіча — у папраўчую калонію №15 у Магілёве, а Уладзя Лабковіча — у папраўчую калонію №17 у Шклове.
«Надзейныя» вучні віцебскай СШ №45 сталі «гвардзейцамі»
У Віцебску з’явіўся яшчэ адзін вайскова-патрыятычны клуб. Яго назвалі «Гвардыя», бо вучняў сярэдняй школы №45 імя «бацькі» дэсантных войскаў Васіля Маргелава збіраюцца навучаць патрыятызму пад кіраўніцтвам вайскоўцаў са 103-й асобнай гвардзейскай паветрана-дэсантнай брыгады. Не дужа разбіраючыся ў асаблівасцях сучаснай выхаваўчай працы, гарадская газета «Витьбичи» нават напісала, што клуб адкрыўся непасрэдна пры вайсковым падраздзяленні. Насамрэч – пры школе, дзе ўжо не першы год праводзяцца рознага кшталту ваенізаваныя заняткі. І гэта захапленне адміністрацыі навучальнай установы настолькі глабальнае, што на сайце школы немагчыма знайсці згадак пра «мірныя» дзіцячыя заняткі, кшталту гуртка малявання, самадзейнага тэатра, конкурсаў юных кулінараў або на найлепшую мяккую цацку. У справаздачах -- выключна ідэалагічныя марапрыемствы.
У Віцебску прынялі ўдзельнікаў прарасейскага маршу-эстафеты «Наша великая Родина»
У дзяржаўных СМІ гэтая падзея падавалася як наведванне горада «дэсантам» Саюзнай дзяржавы з нагоды 78-х угодкаў перамогі ў Вялікай Айчыннай вайне. Удзельнікі, як падркэсліваецца, «міжнароднага праекту», усклалі да манументу на Плошчы Перамогі кветкі і гірлянду са стужкамі ў колерах расейскага і беларускага дзяржаўных сцягоў. Адбывалася гэта пад транспарантам з надпісамі «За Россию! За Победу! За союз братских народов! За нашу Великую Родину!» Аднак не толькі і не столькі перамозе 78-гадовай даўніны прысвечаны гэты праект, які рэалізуецца ў Расейскай Федэрацыі ўжо 10 гадоў. Калі раней гэта былі паездкі па гарадах-героях і месцах найбольш значных баёў, то сёлета марш-эстафета прысвечана так званым «новым расейскім рэгіёнам» і мае выразны антыўкраінскі пасыл.
Без чырвона-зялёнай бутаньеркі да конкурсу не дапусцяць
На Віцебшчыне з 5-га траўня распачынаецца «Абласны патрыятычны інтэрнэт-марафон #ПесниПобеды» - так называецца мерапрыемства, ініцыяванае абласным камітэтам БРСМ. Ахвотным ўзяць удзел прапанавана запісаць фрагмент музычнага выступу даўжынёй да 90 секунд, выканаўшы фрагмент песні пра перамогу або пра мір. Галоўная ўмова – каб удзельнікі абавязкова прычапілі да адзення бутаньерку «Кветкі Вялікай Перамогі», прычым ініцыятары конкурсу акцэнтуюць, што яна павінна размяшчацца «на грудзёх злева».
У Віцебску да Дня Перамогі адчынілі выставу зброі з калекцыі былога міністра МУС Шуневіча
Тое, што ў «Год мира и созидания» ў абласным цэнтры да 9 траўня адчынілі выставу зброі, выглядае двухсэнсоўна. Але экспзазіцыя, размешчаная ў Віцебскім краязнаўчым музеі, мае яшчэ адну асаблівасць: гэта прыватны збор былога міністра МУС Ігара Шуневіча, які прызнаваўся, што з“яўляецца апантаным калекцыянерам зброі – проста «памяшаны на гэтым». Спадар Шуневіч, які быў Міністрам унутраных справаў з 2012 па 2019 гады, яшчэ падчас знаходжання на гэтай пасадзе казаў, што колькасць агняпальнай зброі, якую ён захоўвае, даўно перавысіла дазволены заканадаўствам максімум, і таму ён быў вымушаны ўзяць ліцэнзію на калекцыянаванне.