Віцяблянка Натальля Шарыпа атрымала адказы зь міліцыі, КДБ і ад мабільнага апэратара МТС на заявы наконт меркаванага праслухоўваньня яе тэлефона. Усе тры ўстановы паведамілі жанчыне, што “не валодаюць інфармацыяй”. Натальля кажа, што пасьля таго, як накіравала звароты, якасьць сувязі раптам палепшылася.

Гэткага прадстаўнічага візыту замежных гасьцей Віцебск, бадай, ня зьведваў яшчэ ніколі за ўсю сваю 1000-гадовую гісторыю. 5 чэрвеня на сустрэчу з актывістамі грамадзянскай супольнасьці, мясцовай адміністрацыяй, мэдыямі, бізнэс-супольнасьцю прыехалі адразу двое высокіх прадстаўнікоў дыпляматычнага корпусу сваіх краінаў у Беларусі: амбасадарка Вялікай Брытаніі спадарыня Фіёна Гіб і намесьнік кіраўніка місіі, дарадца амбасады Італіі спадар Паоло Таніні.

Судзьдзя Докшыцкага райсуду Вячаслаў Елісеенка 31 траўня прысудзіў 30 базавых велічыняў (735 рублёў) штрафу журналістцы з Глыбокага Тацяне Смоткінай. Журналістка была аштрафаваная паводле часткі 2 артыкулу 22.9 КаАП за матэрыял “Вываз сьмецьця – паслуга абавязковая”, які быў разьмешчаны на сайце “Беларускага Радыё Рацыя”.

Паводле “Нашай Нівы”, у дзясятцы самых бедных раёнаў краіны Віцебшчына прадстаўленая сем разоў. Затое Шаркоўшчынскі рэгіён, які лічыўся найбяднейшым у краіне два гады запар, перастаў быць такім, абагнаўшы найбліжэйшага канкурэнта – Мсьціслаўшчыну – на 60 капеек.

Палітзэк Міхаіл Жамчужны даслаў ліст падзякі Магілёўскай абласной грамадзкай назіральнай камісіі (ГНК). Камісія, у якой удзельнічае праваабаронца Барыс Бухель, наведала папраўчую калёнію №9 (г. Горкі) 13 сакавіка. Адміністрацыя калёніі забараніла сустрэцца з палітвязьнем, але, як высьветлілася, вынік ад прыезду камісіі быў. Пра гэта сябры ГНК даведаліся зь ліста самога Жамчужнага, які прыйшоў напрыканцы траўня.

У межах курсаў «Мова нанова» адбылася сустрэча зь вядомым беларускім тэлевядоўцам і музыкам Андрусём Такіндангам. Многім беларусам ён спадабаўся ў якасьці вядоўцы рубрыкі «Беларуская мова» ў праграме «Наша раніца», што выходзіла на беларускам канале АНТ на працягу 5 гадоў.

Аддзел прымусовага выкананьня Кастрычніцкага раёну гораду Віцебску ад 24 красавіка распачаў у дачыненьні да віцебскага актывіста Пятра Іванова выканаўчае справаводзтва. Судовыя выканаўцы мерацца спагнаць з Іванова больш за дзьве тысячы рублёў штрафу, прысуджанага яму Кастрычніцкім судом у студзені 2018 году.

Акцыі ў падтрымку вязьня Алега Сянцова, які з 14 траўня галадае ў расейскай папраўчай калёніі «Белы мядзьведзь» у горадзе Лабытнангі (Ямала-Нянецкая аўтаномная акруга), праходзяць 1 і 2 чэрвеня ва ўсім сьвеце. Не засталіся ўбаку і жыхары Віцебску.

Яшчэ чацьвёра нашых землякоў атрымалі нядаўна тытул “Праведнікі Сьвету”. Гэтае ганаровае званьне было нададзена пасьмяротна колішнім жыхарам вёсцы Машкіна (пад Заронавам) Назару і Ганьне Кузьміным, а таксама іх дзецям Аксане і Фёдару. Пра гэта “Віцебскай вясьне” паведаміў унук Назара і Ганны віцяблянін Вадзім Кузьмін.

Старшыня руху «За свабоду» Юрась Губарэвіч правёў 27 траўня чарговую сустрэчу з прадстаўнікамі ўсходняй Віцебшчыны. Абмен думкамі і наладжваньне рэгулярнай камунікацыі паміж кіраўніцтвам і рэгіянальнымі актывістамі – важны элемэнт зваротнай сувязі.