Суд над Тацьцянай Смоткінай адкладзены
8 ліпеня незалежнай журналістцы з Глыбокага Тацьцяне Смоткінай патэлефанавалі з раённага суду і сказалі, што 9 ліпеня суд не адбудзецца, бо ён пераносіцца. Справу аддалі на дапрацоўку ў міліцыю, паперы адтуль яшчэ не прыйшлі. Тацьцяне паведамілі, што пра новую дату суду паведамяць пазьней – патэлефануюць, або нейкім іншым чынам.
Фанаты футбольных клюбаў “Нафтан” і “Віцебск” пратэстуюць супраць гвалтоўных дзеяньняў міліцыі
Фанаты футбольных клубаў “Нафтан”, “Белшына” і “Віцебск” байкатуюць хатнія матчы клюбаў, паведамляе інтэрнэт-рэсурс Belultras.by у сваім Твітары. Паводле інфармацыі сайту футбольных заўзятараў, да акцыі можа далучыцца і фан-група менскага „Дынама”. Байкатуючы гульні любімых каманд, заўзятары пратэстуюць супраць неадэкватных дзеяньняў міліцыі ў час футбольных матчаў.
У Наваполацку забаранілі пікет у падтрымку палітвязьняў
У Наваполацку мясцовыя ўлады забаранілі правядзеньне 16 ліпеня на Плошчы Будаўнікоў пікетаваньня з мэтай інфармаваньня грамадзян аб наяўнасьці ў Беларусі палітвязьняў. Пра гэта гаворыцца ў адказе за подпісам намесьніка старшыні Наваполацкага гарвыканкаму Альберта Шакеля актывісту аргкамітэту БХД Андрэю Гайдукову.
Апазыцыйным актывістам пагражае адміністрацыйны штраф
Выконваючая абавязкі старшыні Мазалаўскага сельскага выканаўчага камітэту Кацярына Каралёва шукае сустрэчы з апазыцыйнымі актывістамі, якія пры канцы красавіка паведамілі ў прэсе пра новыя знаходкі чалавечых парэшткаў з прыкметамі гвалтоўнай сьмерці ў лесе ў ваколіцах вёскі Хайсы Віцебскага раёну.
Віцебскі раён: Збор подпісаў забаронены практычна ўсюды
Адным зь першых на Віцебшчыне выканаўчы камітэт Віцебскага раёну вызначыўся зь месцамі, у якіх забаронена правядзеньне пікетаваньняў для збору подпісаў па вылучэньні кандыдатаў у прэзыдэнты Рэспублікі Беларусь.
Гандляры «Гораду майстроў»: Сёлета прыбыткі меншыя ў разы
Сёлетні сьвяточны гандаль на «Славянскім базары» адрозьніваўся ад ранейшых гадоў меншай пакупніцкай здольнасьцю насельніцтва.
У Віцебску зьявіліся першыя прыкметы маючых адбыцца прэзыдэнцкіх выбараў
У грамадзкіх месцах Віцебску, на будынках дзяржаўных установаў і ў крамах зьявіліся плякаты, якія інфармуюць месьцічаў, што 11 кастрычніка ў краіне адбудуцца выбары. Таксама паведамленьні пра дату выбараў зьявіліся на старонках мясцовай дзяржаўнай прэсы. Абнавіліся і сайты выканкамаў – цяпер там ёсьць банэры выбарчай тэматыкі.
З пачатку году 25 жыхароў Віцебскага раёну накіраваныя ў ЛПП
За бягучы пэрыяд гэтага году судом Віцебскага раёну было вынесена 9 пастаноў аб прыцягненьні да адміністрацыйнай адказнасьці паводле часткі 2 артыкулу 17.3 КаАП, а паводле часткі 3 - 43. Па рашэньні Фэміды 25 грамадзян ужо праходзяць лячэньне і працатэрапію ў лячэбна-працоўным прафілякторыі.
Тацьцяна Караткевіч сустрэлася з жыхарамі Воршы
Тацьцяна Караткевіч наведала Воршу 3 ліпеня. Будучы кандыдат у прэзыдэнты адказала на пытаньні чытачоў мясцовага сайту orsha.eu і сустрэлася з актывістамі дэмакратычных арганізацыяў. На сустрэчу прыйшло і шмат людзей, якія не займаюцца палітыкай, прыехалі таксама жыхары суседніх раёнаў.
Прарасейскія актывісты распаўсюджвалі ў Віцебску ўлёткі з заклікамі «адраджаць Сьвятую Русь»
Падчас сьвяткаваньняў 3 ліпеня ў Віцебску раздавалі ўлёткі, газэты і іншую прадукцыю з прарасейскай агітацыяй. Пра гэта паведаміла Радыё Свабода чытачка Анастасія Пілюгіна. Паводле яе словаў, яна пабачыла трох чалавек, якія на беразе Дзьвіны, дзе знаходзяцца кропкі грамадзкага харчаваньня, раздавалі прадукцыю.