Актывіст аргкамітэту па стварэньні партыі «Беларуская хрысьціянская дэмакратыя» Дзьмітрый Дзякаў 14 траўня правёў акцыю салідарнасьці з палітвязьнямі. У Віцебску на мосьце над вуліцай Ленінградзкай была вывешаная расьцяжка з надпісам «Свабоду палітвязьням».

Праваабаронцы Віцебску даслалі паштоўкі ў месцы зьняволеньня, у якіх адбываюць пакараньне вязьні сумленьня. «Падтрымліваем і памятаем пра вас!» – гаворыцца ў віншавальных лістах апанэнтам цяперашняга палітычнага рэжыму, зьмешчаным за свае перакананьні за краты.

Напрыканцы працоўнага дня 30 красавіка ў гандлёвым цэнтры «Эвіком» прайшоў прадпрымальніцкі сход. Вынікам яго стаўся зварот у Нацыянальны банк, шэраг міністэрстваў і да Аляксандра Лукашэнкі.

На лесьвіцах Віцебскага ўнівэрмагу, паміж 1 і 2 паверхамі, зьявіліся дзьве скрыні для збору грашовых ахвяраваньняў. Як пазначана на плякатах, прыклееных да скрыняў, ахвяраваньні прызначаюцца «дзецям Данбасу».