Кухмістар Верашчака, ён жа вядомы гісторык і культуроляг Алесь Белы, прэзэнтаваў 13 верасьня ў Віцебску сваю новую кнігу «Сакатала бочачка» - “праўдзівую гісторыю нашых напояў”. Кніга мае на мэце ня толькі прынесьці асалоду, але й вярнуць беларусам памяць і права на старку, крупнік ды зуброўку. Прэзэнтацыя прайшла ў арт-пабе “Торвальд”.

Сустрэча арганізатараў конкурсу з зацікаўленымі ў рэалізацыі сваіх задумаў адбылася 8 верасьня ў адной з заляў «Арт-прасторы» на Талстога, 7. Але нават калі вы ня трапілі на імпрэзу, да 15 верасьня ўлучна ў вас ёсьць магчымасьць даслаць свой праект на разгляд кампэтэнтнага журы. Па выніках конкурсу будуць адабраныя 4 найлепшыя праекты.

26 жніўня ў самым цэнтры гораду (праспэкт Фрунзэ, 8) адчыніла свае дзьверы крама сувэнірнай прадукцыі ў нацыянальным стылі «Вітаўт». Самі заснавальнікі пазыцыянуюць сваю ўстанову як «краму тваёй краіны». Пра што і напісана ў выглядзе слогану на сьцяне на самым ўваходзе.

Ідэя правядзеньня такога мерапрыемства ўзьнікла ў Ады Райчонак два гады таму. Тады ў Германавічах і прайшоў першы Бульбяны фэст, які быў арганізаваны культурна-асьветніцкім Цэнтрам імя Язэпа Драздовіча разам з глыбоцкай суполкай Беларускай асацыяцыі журналістаў.