- Катэгорыя: Вясна
16.09.2024 Тэгі: палітвязні, умовы ўтрымання, катаванні, гісторыі вязняў Былому палітвязню з Брэста Дзмітрыю Панько-Някрасаву на пратэснай акцыі 2020 года прастралілі нагу. А праз некалькі дзён да яго прыйшлі са Следчага камітэту. Хлопца абвінавацілі ў "масавых беспарадках" і асудзілі на тры гады калоніі. Цалкам адбыўшы тэрмін у наваполацкай калоніі Дзмітрый з’ехаў з Беларусі і цяпер спрабуе адаптавацца ў новай краіне.
- Катэгорыя: Вясна
13.09.2024 Тэгі: суды, палітвязні, пераслед, рэпрэсіі, экстрэмізм Па інфармацыі "Вясны", з пачатку 2024 года па вяртанні ў Беларусь былі затрыманыя больш за 55 чалавек, супраць 17 з якіх узбудзілі крымінальныя справы. Пры гэтым лічба можа быць значна большай праз адсутнасць поўных звестак у праваабаронцаў. Пад асаблівы дагляд на мяжы трапляюць як беларусы, так і грамадзяне іншых краінаў, большасць з якіх — украінцы. Падставай для допыту ці затрымання могуць стаць падпіскі на незалежныя СМІ, схаваныя фота з пратэстаў у тэлефоне або сацыяльных сетках, нацыянальная сімволіка і нават штампы ў пашпарце аб наведванні Украіны. Калі чалавек знаходзіцца ў базе "БЕСпорядки", куды ўносяцца дадзеныя ўсіх затрыманых пасля пачатку пратэстаў у 2020 годзе, то відавочных падставаў можа і не быць. Людзей дапытваюць, іх тэлефоны правяраюць, на некаторых наўпрост у аўтобусе надзяваюць кайданкі, а за іншымі прыходзяць праз некалькі дзён."Вясна" распавядае актуальную інфармацыю пра пераслед людзей, якія вяртаюцца ў Беларусь з-за мяжы.
- Катэгорыя: Вясна
13.09.2024 Тэгі: суды, крымінальны пераслед, палітвязні У Мінскім гарадскім судзе 13 верасня асудзілі палітзняволенага Ігара Мельнікава паводле ч. 1 арт. 361-4 (садзейнічанне экстрэмісцкай дзейнасці) Крымінальнага кодэкса. Суддзя Міхаіл Макарэвіч прызначыў Ігару чатыры гады пазбаўлення волі ў калоніі ва ўмовах агульнага рэжыму.
- Катэгорыя: Вясна
13.09.2024 Тэгі: крымінальны пераслед, палітвязні, ціск Палітзняволены Мікола Дзядок, асуджаны да пяці гадоў калоніі, павінен быў выйсці з турмы 25 красавіка 2025 года, але супраць яго ўзбудзілі новую крымінальную справу паводле ч. 1 арт. 411 Крымінальнага кодэкса (злоснае непадпарадкаванне адміністрацыі турмы). Цяпер яму пагражае ад аднаго да трох гадоў зняволення. Пра гэта "Новаму Часу" распавялі крыніцы.
- Катэгорыя: Вясна
13.09.2024 Тэгі: крымінальны пераслед, гісторыі вязняў Жыхарка Мінска Ганна Аўчыннікава, якая з'яўлялася падазраванай па крымінальнай справы за садзейнічанне экстрэмісцкай дзейнасці, змагла з’ехаць з Беларусі. Яшчэ ў 2020 годзе яна пачала дапамагаць тым, хто выходзіў з акрэсцінскіх ізалятараў, пісала лісты палітвязням, перадавала ім пасылкі. Менавіта за дзве з іх – палітвязню Зміцеру Дашкевічу і медыку з Гародні Святаславу Удоду – яе і затрымалі. Яна пагадзілася распавесці пра свае ўражанні ад стасункаў з супрацоўнікамі КДБ і РУУС, следчымі і наглядчыкамі ў ІЧУ.
- Катэгорыя: Вясна
13.09.2024 Тэгі: крымінальны пераслед, грамадства, пераслед, затрыманні У Беларусі не спыняюцца затрыманні, ператрусы, катаванні ў ізалятарах, аказваецца ціск на палітвязняў, незалежныя медыяпрадукты прызнаюць "экстрэмісцкімі матэрыяламі і фармаваннямі". Праваабарончы цэнтр "Вясна" 12-13 верасня 2024 году збірае факты палітычнага пераследу беларусаў і беларусак – інфармацыя ўвесь час дапаўняецца.
- Катэгорыя: Вясна
13.09.2024 Тэгі: крымінальны пераслед, праваабаронцы Упраўленне Следчага камітэта па Гомельскай вобласці ўзбудзіла крымінальную справу на ўдзельнікаў двух выпускаў тэлешоў “План:Б” на тэлеканале “Белсат” – за 25 сакавіка і 1 красавіка. Падазраваных у садзейнічанні экстрэмісцкай дзейнасці (ч. 2 арт. 361-4 КК) – больш за дзесятак чалавек.
- Катэгорыя: Вясна
13.09.2024 Тэгі: суды, крымінальны пераслед, свабода мірных сходаў У судзе Брэсцкага раёна 12 верасня вынеслі масавы прысуд паводле ч. 1 арт. 342 Крымінальнага кодэкса (актыўны ўдзел у дзеяннях, што груба парушаюць грамадскі парадак). За ўдзел у акцыі пратэсту 10 жніўня 2020 года асудзілі адразу 11 мясцовых жыхароў. Гэта Ілля Сабко, Аляксандр Зайцаў, Мікалай Каплюк, Кірыл Еўтышык, Мікалай Місюк, Артур Зарэмба, Дзмітрый Лысюк, Алег Бандарук, Міхаіл Верамчук, Дзмітрый Салавейка, Дзяніс Якавенка. Суддзя прызначыў ім тэрміны ад двух гадоў "хатняй хіміі" да паўтара года калоніі.
- Катэгорыя: Вясна
12.09.2024 Тэгі: палітвязні, ціск, умовы ўтрымання, карткі За апошнія месяцы ў Беларусі асуджаным да абмежавання волі без накіравання ў ПУАТ пачалі актыўна ўзмацняць пакаранне і пераводзіць з "хатняй хіміі" ў калонію. Па інфармацыі "Вясны", пачынаючы з чэрвеня ў судах ужо разглядзелі ці разгледзяць у бліжэйшы час мінімум 15 справаў "аб замене абмежавання волі" асуджаным раней па палітычных матывах. Суды адбываюцца нават над тымі, хто з'ехаў з Беларусі пасля прысуду. Паводле заканадаўства, для замены пакарання на больш жорсткае дастаткова трох спагнанняў. Пры гэтым на "хатніх хімікаў" увесь час аказваецца ціск: да іх ноччу прыязджаюць з праверкамі, абмяжоўваюцць у вольным часе і адпраўляюць на "суткі" за "парушэнне рэжыму адбыцця пакарання". "Вясна" разам з юрысткай Вікай Рудзянковай тлумачаць, за што чалавеку могуць замяніць пакаранне, за якія парушэнні асуджаным выпісваюць спагнанні і што лічыцца злосным ухіленнем ад адбыцця пакарання.
- Катэгорыя: Вясна
11.09.2024 Тэгі: суды, палітвязні, салідарнасць У Беларусі ўжо чатыры месяцы праходзяць суды над жанчынамі, якіх затрымалі падчас студзеньскага рэйду КДБ за салідарнасць з палітвязнямі. Толькі ў верасні, паводле "Вясны", запланаваны мінімум 16 судоў над палітзняволенымі, яшчэ чатырох жанчын будуць судзіць у кастрачніку. Большасць з тых, хто патрапіў у студзені пад пераслед — жанчыны і сваякі палітвязняў. Частку з іх асудзілі паводле адміністрацыйных справаў за "выкарыстанне замежнай дапамогі для ажыццяўлення экстрэмісцкай дзейнасці" (арт. 24.15 КаАП) і прызначылі вялікія штрафы і з кампенсацыяй дапамогі, а супраць некалькі дзесяткаў чалавек узбудзілі крымінальныя справы за "садзейнічанне экстрэмісцкай дзейнасці".