Суддзя Гарадоцкага суда Ганна Гурынава 26 траўня прызнала вінаватай у незаконным набыцці, захоўванні і нашэнні выбуховых рэчываў і на падставе ч.2 арт. 295 Крымінальнага кодэкса прызначыла пакаранне ў выглядзе абмежавання волі на тэрмін 1,5 гады без накіравання ў папраўчую ўстанову адкрытага тыпу жыхарку Гарадскога раёна Ганну Міхайлаву.

Статыстычнае ўпраўленне Віцебскай вобласці праінфармавала аб інвестыцыях у рэгіянальную эканоміку за 2022 год і за чатыры месяцы бягучага года. Падзенне інвестыцый, якое намецілася некалькі гадоў таму, пазбаўляе жыхароў рэгіёну надзеі на будучы эканамічны дабрабыт.

8 лютага ў абласным судзе Гродна журналіст і адзін з лідараў незалежнага Саюза палякаў Беларусі быў асуджаны да 8 гадоў пазбаўлення волі ў калоніі ва ўмовах ўзмоцненага рэжыму. Яго прызналі вінаватым паводле арт. 361 Крымінальнага кодэкса («Заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь») і арт. 130 Крымінальнага кодэкса («распальванне варожасці ці варажнечы»).

Суддзя суда Расонскага раёна Рада Дамініч 6 чэрвеня пастанавіла арыштаваць на 7 сутак генеральнага дырэктара ТАА Алега Несцяровіча. Прычынай пазбаўлення волі «правапарушальніка» стала тое, што ён быў падпісаны на відэахостынг "NEXTA", унесены ўладамі ў спіс экстрэмісцкіх матэрыялаў.

На прадпрыемстве стварылі Моладзевую раду. Няйнакш гэта спроба «пазмагацца за моладзь», пра што перыядычна згадваюць прадстаўнікі ўладаў, калі скардзяцца на «заходні ўплыў», «дэструктыўныя інтэрнэт-рэсурсы» і гэтак далей. За апошнія месяцы «Віцебскэнерга» страціла больш за сотню адмыслоўцаў, як у Віцебску, так і ў рэгіёнах. Людзі былі звольненыя пасля судоў па «палітычных» адміністрацыйных артыкулах – 24.23 КаАП (несанкцыянаванае пікетаванне) і 19.11 (распаўсюд «экстрэмісцкай» інфармацыйнай прадукцыі). Страціўшы вытворчыя кадры, на прадпрыемстве вырашылі заняцца прэвентыўным выхаваннем моладзі – перацягнуць яе на бок прыхільнікаў дзейнай улады.

Жанчыну затрымалі 6 чэрвеня, на той час яе муж ужо 4 месяцы знаходзіўся ў віцебскім СІЗА-2. Пасля таго, як туды змясцілі і Таццяну Пыцько, іх аднагадовую дачку забралі пад апеку дзяржавы ў дзіцячы шпіталь, неузабаве яе маюць перавесці ў Дом дзіцяці. Сваякі Таццяны Пыцько збіраюць дакументы дзеля афармлення апякунства над малой. Тым часам стала вядома, што жонку палітзняволенага відэааператара-фрылансера вінавацяць за дапамогу мужу: супраць Вячаслава Лазарава распачата крымінальная справа паводле арт. 361-4 Крымінальнага кодэкса («спрыянне экстрэмісцкай дзейнасці») за сувязь з недзяржаўным СМІ, прызнаным у Беларусі экстрэмісцкім фарміраваннем.

Карыстальнікі сацыяльных сетак звярнулі ўвагу на супадзенне прозвішча, імя і імя па бацьку намесніка старшыні Чашніцкага райвыканкаму і асобы, выкліканай у раённы суд за парушэнне ч.2 арт. 19.11 КаАП. Тым часам інтэрнэт-рэсурс mediazona.by спраўдзіў інфармацыю: насамрэч, адміністрацыйны пратакол складзены на былога чыноўніка, якога вінавацяць за «лайк» пад паведамленнем 2013 г. З тае пары прайшло 10 гадоў, і інфармацыйны рэсурс, дзе выказаў свае сімпатыі Аляксандр Іванавіч Сівашэнка, быў прызнаны «экстрэмісцкім». Судовы працэс прызначаны на 21 чэрвеня.

На Пастаўшчыне райвыканкам вызначыў чатыры месцы масавага адпачынку грамадзян, дзе дазволена купацца. Гэта пляжы ракі Мядзелкі ў гарадскім парку, азёр Задзеўскае з боку вуліцы Зялёнай у Паставах, Белае з боку СТК “Азёркі” і Дубок. І там зараз рэгулярна праз 2 гадзіны з’яўляюцца міліцыянты. А калі паветра прагрэецца да 28 градусаў цяпла, то міліцыянты будуць знаходзіцца на пляжах пастаянна.

Зараз палітвязень,  сузаснавальнік партыі «Беларуская хрысціянская дэмакратыя» пісьменнік і журналіст  Павел Севярынец знаходзіцца ў Шклоўскай калоніі. Але 21 чэрвеня мае адбыцца суд па замене рэжыму ўтрымання і пераводзе ў іншую папрўчую ўстанову.

У траўні гэтага году наведнікі народнага мемарыялу, узведзенага ў памяць пра ахвяр сталінізму, расстраляных каля вёскі Хайсы Віцебскага раёну, убачылі скрушную карціну. Невядомыя вандалы паламалі некалькі крыжоў, знішчылі мемарыяльныя шыдьды і ўказальнікі да ямін у лесе, дзе ў 1930-я гады адбываліся расстрэлы так званых «ворагаў народу». Гэтыя факты пацвярджаюцца ўспамінамі мясцовых жыхароў і іх нашчадкаў. Але мемарыялізаваць гэтыя мясціны ўпарта не пагаджаюцца мясцовыя ўлады: яны не заўважаюць існавання месца трагедыі. Цяпер і аддзел міліцыі Віцебскага раёну адмовіўся праводзіць праверку па фактах вандалізму.