У Наваполацку правялі пашыранае пасяджэнне дырэктараў школ, дзе падводзілі вынікі выхаваўчай працы за мінулы год. Дырэктары трымалі справаздачу, як ва ўстановах адукацыі праходзілі мерапрыемствы да мінулага Году гістарычнай памяці. Былі агучаны лічбы, колькі прайшло «урачыстых мерапрыемстваў з абавязковым выкананнем гімна і падняццем дзяржаўнага сцяга», засведчана, што ў кожнай школе з’явіліся стэнды, прысвечаныя генацыду беларускага народу, а ў перспектыве маюць з’явіцца музейныя пакоі і экспазіцыі на гэтую тэматыку.

Як высветлілася, у 2022 годзе на аўкцыён выстаўлялі лоты ад яшчэ аднаго палітвязня - Віктара Бабарыкі. Размова аб аптычным прыцэле і дзелях у статутным фондзе кампаній. Пры гэтым на некаторых лотах хоць і быў пазначаны завінавачаным банкір, але належалі яны, як вынікае з абвестак, ягонаму сыну Эдуарду.

Пасля таго як суд у Мінску вынес знішчальны прысуд беларускаму праваабаронцу і Нобэлеўскаму лаўрэату Алесю Бяляцкаму, які атрымаў 10 гадоў пазбаўлення волі, эксперты ААН заклікалі міжнародную супольнасць нястомна дабівацца праўды і справядлівасці для ўсіх ахвяр парушэнняў правоў чалавека ў Беларусі. Адпаведная заява была апублікавана на сайце ААН.

У Полацку 7 сакавіка асудзілі прафсаюзнага лідара, старшыню Свабоднага прафсаюза  Беларускага СПБ Мікалая Шараха. Яго судзілі за распаўсюд так званых экстрэмісцкіх матэрыялаў паволе часткі 2 артыкула 19. 11 КаАП (за падпіску ў “Фэйсбуку” на "Байпол" і “Байхелп”). Судовае пасяджэнне праходзіла ў судзе горада Полацка і Полацкага раёна.

Інфармацыя аб затрыманні старшыні Свабоднага прафсаюза Беларускага СПБ Мікалая Шараха з’явілася ў Фэйсбуку Асацыяцыі “Салідарнасць”. Магчыма, заўтра з раніцы, ў Полацкім раёным судзе, 07 сакавіка, яго будуць судзіць па ч. 2 арт. 19.11 КаАП (Распаўсюджванне, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую ​​дзейнасць).

Суддзя Віцебскага абласнога суда Ірына Смалякова 20 лютага 2023 года разгледзела пратэст гарадскога пракурора на пастанову ад 10 лютага ў дачыненні да вайскоўца Аляксандра Цяляка, які нібыта распаўсюджваў у сацыяльных сетках "экстрэмісцкія матэрыялы". Было ўстаноўлена, што, суддзя суда Кастрычніцкага раёна Віцебска Уладзімір Царыкаў няправільна прымяніў нормы дзеючага адміністрацыйнага закона. На гэтай падставе, вышэйстаячым судом было зменена рашэнне арыштаваць Цяляка на 13 сутак, але пастановіў пакараць яго штрафам у памеры 1110 рублёў.

Як кажа начальнік Шаркаўшчынскага ўчастка водаправодна-каналізацыйнай гаспадаркі філіяла «Докшыцыводаканал» Мікалай Дубоўскі, агульная працягласць водаправоднай сеткі па раёне складае 59,6 кіламетра, з іх у гарадскім пасёлку — 29,6 кіламетра, у сельскай мясцовасці — 30 кіламетраў. Інфраструктура, а менавіта трубы, з цягам часу зношваюцца, патрабуюць замены. І калі яшчэ ў гарадскім пасёлку трубы рамантуюцца і часам мяняюцца, то ў сельскай мясцовасці сітуацыя значна горшая. Дакладна невядомы час будаўніцтва і ўводу ў эксплуатацыю большасці водаправодаў, зразумела, што з-за эканамічных цяжкасцяў. Тым больш, што Шаркаўшчынскі раён адзін з самых бедных у Беларусі. Пра гэта паведамляецца на сайце раённай газеты “Кліч Радзімы”.

Адмоўны адказ з Аршанскага раённага выканаўчага камітэта атрымалі больш за стоні жыхароў вобласць, якія падпісалі петыцыю №5527 у якой яны прасілі замяніць частку надпісаў з рускай мовы на беларускую. Надпіс зрабілі ўлады на мемарыяльнай дошке прысвечанай пісьменніку У. Караткевічу, якая была ўстаноўлена ў лістападзе мінулага года на будынку сярэдняй школе № 3 г. Оршы.

З 28 лютага па 3 сакавіка прайшлі планавыя заняткі па мабілізацыйнай гатоўнасці з органамі ўпраўлення тэрытарыяльнай абароны Глыбоцкага раёна. Пра гэта піша раённая газета “Веснік Глыбоччыны”.

Па ініцыятыве Ўпраўлення юстыцыі і па рашэнні Віцебскага абласнога суда з 10 кастрычніка 2022 года знаходзіцца ў стадыі ліквідацыі Полацкае раённае маладзёжнае грамадскае аб'яднанне "Клуб усходніх адзінаборстваў "Павуціна", заснаваны знакамітым спартсменам Яўгенам Цяліцай, які ў 2015 годзе стаў чэмпіёнам свету па кікбокінгу сярод аматараў. Яўген двойчы быў стыпендыятам Прэзідэнцкага спартыўнага клуба.