У  Віцебску ёсьць свой ЦАР (цэнтар алімпійскага рэзэрву) зімовых відаў спорту і свой лядовы палац. Ёсьць свой хакей і свой шорт-трэк. А ёсьць фігурнае катаньне, якое юныя фігурысты хацелі б таксама называць “сваім”. Але зь нядаўніх часоў “сваё” і “наша” раптам сталася для іх чужым. У фігурным катаньні насьпявае бунт бацькоў…

Суд Полацкага раёну 19 лістапада вынес рашэньне абмежаваць свабоду Зьмітра Русака на 2 гады. Да хатняй хіміі жыхар гарадзкога пасёлку Ветрына прысуджаны за заведама фальшывае паведамленьне ў інтэрнэце пра бомбу, нібыта закладзеную ў гандлёвым цэнтры ў Полацку, і абразу прэзыдэнта.

У Расеі з „чорнага сьпісу” выключылі прадпрыемствы зь Віцебскай вобласьці. Гэта ААТ “Малако” (Віцебск) і ТАА “Славінпрадукт” (Пастаўскі раён).

У той час, як сын зарабляе на жыцьцё дальнабоем, яго маці настаўніца вымушаная зрабіцца адвакатам і адстойваць правы сына. Чарговая гісторыя ў межах праекту #БезПраваНаРасправу.

Эканамічны суд Віцебскай вобласьці прызнаў Глыбоцкае раённае спажывецкае таварыства (райпа) эканамічна неплацежаздольным (банкрутам) і вынес рашэньне аб яго ліквідацыі ў тэрмін да 31 траўня 2019 году, паведамілі БелТА ў прэсавай службе суду.

Каб неяк выжыць, віцебскім таксістам даводзіцца працаваць па двум пуцявым лістам, а то і дурыць пасажыраў. Сытуацыя настолькі жаласьлівая, што ўжо самі таксісты прапануюць зачыніць прыватныя сэрвісы таксі ды вярнуцца да адзінай дзяржаўнай службы 161. Але – ці добра будзе?..

Да стагадовага юбілею антыбальшавіцкіх паўстаньняў на Віцебшчыне 14 лістапада Эўрапейскі клюб абласнога цэнтру правёў шыкоўную сустрэчу з навукоўцам-гісторыкам Нінай Стужынскай. У адкрытых для вольнага доступу архівах дасьледчыца адкрывае непрычэсаную савецкай ідэалёгіяй гісторыю ўсталяваньня бальшавіцкай улады і народнага супраціву чырвонаму гвалту.

Пад слоганам «Розныя – роўныя» з 9 па 16 лістапада ў многіх гарадох Беларусі праходзіць тыдзень мерапрыемстваў супраць расізму і антысэмітызму. У Віцебску ў межах гэтай кампаніі 11 лістапада прайшла Жывая бібліятэка.

З 8 па 10 лістапада на пляцоўцы бітл-клюбу «Паддашак» праходзіў фэстываль дакумэнтальнага кіно Watсh Docs, прысьвечаны правам чалавека. Гэта ўжо другі такі фэстываль у Віцебску, першы адбыўся ў кастрычніку 2017 году.

На дзьверы офіса Свабоднага прафсаюзу Беларускага (СПБ) 9 лістапада працадаўца ААТ «Полацак-Шкловалакно» павесіў свой замок. Доступ рабочых заводу да дакумэнтаў і абсталяваньня прафсаюзу цяпер перакрыты. Усе прапановы прафсаюзу аб працягваньні дамовы арэнды офіса адміністрацыя заводу адхіляе.